朗仔o係星期六日扭計扭多咗
星期日時返阿媽度食飯, 食完奶先上去,
自己唔肯訓, 之後喊到拆天
老公就唱歌氹個仔, 我見佢氹氹吓佢自己黑面…..到星期一都係咁
問佢乜事又話無事, 不過我覺得佢似認為個仔曳咗係因為婆婆抱得多
唉……一個星期啫, 唔好為難我啦
昨天打俾阿媽, 佢話可能去街多扭計, 或者嚇親
仲話覺我老公好似唔開心咁,
我唯有話佢見個仔唔乖咪咁囉…
之後又打俾老公話個仔食到6安
叫佢唔好唔開心, 佢仲話無,
咁我話你騙到全世界都騙唔到我, 佢就無出聲….
昨日揍咗返屋企
8:00pm o個次我加咗 d 保嬰丹俾囝囝食
佢又食咗 5 安奶喎, 嘩, 咁大朕藥味都肯食
之後我抱番佢上床, 個 b 例牌扭一陣, 伸展吓手腳咁
玩一陣就會想喊, 因為無人理佢
我就通常都會由佢扭一陣, 再同佢講吓野
不過就唔會俾佢見到, 因為想佢自己學吓自己訓
我已經叫咗老公唔駛氹佢住
點知我一入廁所, 出來時已經見佢氹緊佢…..佢咪又係咁…..
臨訓時佢都好乖呀, 食哂 d 奶
之後佢問我, 係咪因為天氣熱先搞到佢發脾四…..我真係想爆炸
今朝媽媽到, 個死野仲係黑黑地面…..
我呢個大仔幾時先大架
唉.....
我知佢好緊個仔, 但都唔駛咁架
佢覺得我媽抱得多, 我 99 咪又係咁
我從無黑面對過我 99
老實講, 我已經毎日接番來,
點解日日都唔扭, 會到星期六/日先扭
要扭抱個 b 都唔會識楝日子架吓嘩
總之呢兩日我都唔開心
好驚無啦啦由無情緒問題變成有
