試用活動

<DOVE輕潤保濕系列>試用活動

老公幫我去BeautyExchange.com 既OFFICE 攞咗DOVE 一套既試用裝嚟試,

一SET 有5樣野, 包括包括: 洗髮乳、潤髮乳、保濕滋潤乳、輕潤保濕髮膜及保濕精華。

未試之前, 我全部都打開過嚟聞, 氣味溫和, 唔會太香, 我呢類鼻敏感人, 實在唔受得太香既野….所以感覺唔錯

洗髮乳唔駛落太多已經夠, 洗完個頭感覺好乾淨, 再用埋佢既潤髮乳/保濕滋潤乳/輕潤保濕髮膜, 真係FEEL 都好柔軟架~

抺乾咗個頭, 我再用佢既保濕精華, 當GEL 咁用架, 用完, 成日你都唔會見到啲頭髮飛哂出嚟, 好似被炸過嗰啲, 連無用精華嗰PART都好正~

最重要係….呢輪天氣開始乾, 個頭皮好痕….轉咗DOVE 之後, 無咗呢種感覺啦~YEAH~

朗朗考幼稚園記

朗朗考幼稚園記

朗朗已經快2歲啦, 要搵幼稚園
我TOTAL APPLY 咗 6 間:
可立
金卿
沙崙堂
恩恩
聖母
譚遠良

原本仲想APPLY 埋信生,
點知撞正3間幼稚園 INTERVIEW, 唯有放棄佢....

金卿 - 10/21 IN
原本無諗住揀,但朋友介紹, 最後 APPLY 埋,
IN 嗰日狀態好好, 但係太怕醜啦.....

MISS 第一件事叫佢將個立體圖案砌好, 佢唔識PERFECTLY 整好,

之後叫佢將毎個顏色既圖案穿去配對,
佢識分顏色, 圓形方形嗰啲穿到, 但啲星星既圖案穿唔到
問佢交通工具名, 蚊之咁細聲....幾乎聽唔到,
生果名開頭都唔講, 後尾先大聲少少講英文
再問佢圖中BB 既眼喺邊, 朗朗唔睬人,
咁MISS 問你既耳仔喺邊? 我用番英文問, 佢識指,
MISS 用英文問EYES & NOSE, 佢都識,
再問, 賴曉朗係邊個呀? 只係識笑
邊個係媽媽同爸爸, 佢都識
最後送咗個BALLOONS 俾朗朗

OVERALL 我都覺得間學校OK,
但朗朗表現一般, 仲要咁多小朋友嚟IN
MISS 都有講: 小朋友12月出世呀....(唔知乜野意思)

10/29/11 星期六.....

今日一個早上做既野仲辛苦過返工....
連去 3 間幼稚園 interview, 自己都未試過一個朝早IN 3 間公司....
不過, 我都好滿意朗朗既表現~

8:45 聖母
怕羞, 但都肯講, 蚊滋咁細聲, 俾老師話佢好靜....
但我用英文叫佢拎LEGO 佢都識拎

有問我佢平日邊個揍, 點解揀呢間學校, 著重小朋友乜野地方呀,

平日做啲乜呀....全程似考我多過朗朗。

之後叫佢推椅, 我知都係考佢既....但朗朗唔肯推....

再叫佢去個角落度玩樂器....我FEEL 到個MISS 都睇住朗朗....

突然...我眼尾見唔到...原來佢已經企咗喺我隔離....SCARY.....

由於朗朗好靜...同埋啲歌可能唔啱聽, 無乜反應, MISS 又再重申佢好靜....

PEGGY 都有幫CHARLIE 報呢間, 排隊時仲見到循道個同學仔POCHACCO

10:30 恩恩
我直頭唔見咗張接見紙, 我仲要帶少咗個信封, 好彩佢哋話唔緊要
有時間俾佢玩玩具熱身, 今次係佢自己 IN 架,
我同爸爸都要出去,
老師講番, 佢好多野都有答, 問佢眼衣口鼻唔識, 但佢轉用英文, 即識
老師讚佢叻仔

11:30 可立
多人多到嘔, 我哋等咗成粒鐘先到
等到爸爸都黑哂面,
入到去, 老師都未問野, 佢已經攞個橙叫ORANGE, 梨叫PEAR
識講 THREE, 識砌番落去,
識俾杯杯老師, 俾爸爸,
仲識抱抱爸爸, 抱抱媽媽....我勁感動!!!

有問到仲有無用片片, 仲係咪用緊奶樽, 我都照直答架啦,

正在戒片中同奶樽/飲管/杯仔輪住用,

同埋, 問平日邊個揍....做啲乜....

HAHA 幾想答佢: 咪就係食飽就訓, 訓飽就食, 玩吓IPAD 玩吓狗...CCCC
老師都差啲唔記得問點解揀呢間學校, CCC

我答佢, 有朋友讀過唔錯, 再加上....我同老公都係可立中學校友

到2點鐘左右, 呢個黃老師打俾我, 話CONFIRM 收咗朗朗做上午班, 叫我星期一帶600 俾留位費....YEAH~

最後仲有一間11月中IN, 咁就等到下年啦, YEAH~

扭汽球 - CHAPTER #1

扭汽球 - CHAPTER #1

喺樓下買咗堆波返嚟, 仲要行咗好幾間,

有啲唔係睇落好 CHEAP 雞就係醜樣,

最後呢一 PACK 都唔見得好好



啲波好cheap 呀...我驚自己都係三分鐘熱度嘛,
咪諗住扭多幾個先決定買唔買囉....
佢爆咗, 我扔咗佢喺地, 佢會等多陣又自我引爆架,
佢唔受得扭熊啤啤嗰隻扭法.....
我扔咗入垃圾筒由得佢自生自滅啦.....
佢一到扭嗰度幾乎爆, 我扭咗三個,
劍就無問題, 但熊勁爆....

 
 

扭汽球 - 邂逅篇

今日約咗幾個媽媽一齊 GATHERING

原本係諗住脫完毛 (FE 送既 VOUCHER) 去吔飯,

但最後無去到脫到出咗嚟食

成晚食得好開心呀, ELLY 帶咗啲汽球嚟教我哋玩,

我玩到過鐘俾老公黑我面呀!!!!



不過令到原本對扭波好有恐懼既我燃起興趣

好想玩呀~

朗朗好似好鍾意隻綠色熊

反而對把劍無乜興趣

天灸療法 - 末伏天@8/13/11

天灸療法 - 末伏天@8/13/11

今次係做第三日, 已經係最後既療程,
今次老公同朗朗都一齊去啦。

 

去到無乜人, 上到去朗朗好好奇, 我已經入咗房啦,

今次入到佢有個男人著白袍坐喺度,

係個女醫師帶我坐好,

佢見我上次貼既位仲有啲紅同鞋, 男嗰個都話貼舊細啲....

我出到佢, 同朗朗 & 爸爸去 UNY 行, 夠鐘搣甩

到上完 PG 我已經起水泡啦......

 

足足忍咗差唔多一個星期先唔駛貼膠布

我會加油既!!!!

 

天灸療法 - 中伏天@7/24/11

天灸療法 - 中伏天@7/24/11

今次係做第二日, 即係第二個療程,
仲諗住叫老公陪我去做, 等做完有人呵吓, 點知佢話要去踢波喎....
一早講咗架啦, 都推我....其實係有啲唔開心....

叫咗婆婆幫我睇住朗朗, 去做完先~

我遲咗少少到醫院, 但可能一早安排定,
我見有人早過我到, 但我都可以入去先....

入到時, 上次嗰個好後生既女中醫迎接我,
仲有個都係著住醫生袍既女仔叫我坐低,
之後個醫師話我上次嗰啲位仲有啲紅 (查實仲痕架)
話會貼側少少喎
坐喺床邊嗰個女仔叫我唔好抓....大佬, 好難忍架喎....

今次一貼喺皮膚既感覺已經熱熱地, 同痕痕哋.....
我依時一個鐘即整甩啦
嗰晚已經覺得好痕.....第二日出咗水泡呀....
叫老公幫我拮穿佢再貼膠紙....

我足足貼咗幾日, 到星期五先叫收咗大部分水咁
但係勁痕啦.......

希望係值得啦......
同埋希望下次貼時個傷口好哂啦....

PS: 朗朗見親爸爸幫我整膠布就好好奇,
有晚仲要特登拉我轉身, 要睇我背後既膠布....

天灸療法 - 初伏天@7/14/11

天灸療法 - 初伏天@7/14/11

其實由我第一次喺電視見有得做, 已經好想試,
但當時有咗BB, 又唔可以做,
到上年, 掛住揍仔, 完全無咗回事。
好彩早前喺 BABY KINGDOM 見有人提, 我又打去試吓 BOOK
不過廣華無哂位, 試吓打去佛教醫院吓, 又有位喎,
BOOK 咗7/14/11, 10:30AM, 講明CONFIRM 呢個鐘數, 之後三伏都要一樣。

何謂天灸呢?? 我無謂多講呢, 睇番呢條幾條 LINKS 好過啦~

http://www.yot.org.hk/adv/ms/mt/?page_id=93
http://www.youtube.com/watch?v=-4i9r3C2Cis

我依時到醫院, 入到去中醫部, 比我想像中企理,
好新淨好靚....去登記時有人帶路, 做野又快手~爽!!!

登記完, 上去閣樓 (其實只係一層樓) 去到等叫名,
我等咗唔知 3 / 4 個人之嘛, 就到我啦~

入到時, 見到有兩個著便服既姨姨喺度,
一個著住醫生袍既女仔叫我坐低, 前面張床鋪滿哂排好既貼, 上面有膏藥,
呢個女仔問我有無哮喘同鼻敏感,
我答佢兩樣都有, 之後, 佢再問我各有幾耐,
我話十零年啦~
之後個女仔 (應該係醫師) 就同側邊嗰兩個姨姨講會貼落我度,
由我後勁貼先, 之後兩邊再各貼一塊,
然後喺我後腰兩邊再各貼一塊,
佢講要貼夠一個鐘先好整甩......

我問佢攞埋假紙, 落埋樓下攞收據, 走人。

貼喺皮膚既感覺都有啲熱熱地, 同痕痕哋咁.....
我返到娘家 (都個零鐘後) 先叫婆婆幫我整甩....
不過都幾痕吓....

期待下一次.....

好女兩頭瞞

唉......

人哋話好女兩頭瞞, 無諗過自己竟然要做好女.....

自從生咗朗朗, 雖則我俾多咗阿媽, 但始終唔夠佢出嚟做野咁多錢, 我又能力所限唔可以俾多啲佢....老公轉咗公搵少咗....我加咗既真係啱啱係佢少咗既....

有時全部人返哂去食, 又要帶飯, 阿媽又要去買餸, 真係未必諗到買乜, 最重要, 係乜都貴, 你想食九大簋咩!

偏偏阿大大仔成日覺得唔夠, 喺我面前EE UM UM, 早排話要日日出去食, 咁我話我無可能日日山去喎, 我無咁多錢, 佢竟然話分開食!!! 唔係呀化, 兩公婆分開食, 駛唔駛分開住呀??

我好辛苦呀, 我唔可以同阿媽講, 同同事講, 同6299講....佢從無企喺我度諗過, 俾著係你, 我係咁話你阿爸阿媽, 你個心會點?? 今日返到屋企又話食個包仲飽呀!!! 我話, 你想俾說話我聽唔該大聲啲, 佢話聽唔到就算....我一路洗奶樽真係喊出嚟....我咁辛苦為乜呀??

老實講, 同佢由拍拖咁耐, 從無計較過出街駛費, 結婚儲既錢邊個大份, 家用駛費, 供樓.....你有無諗過你成日要買呢樣買嗰樣, 我係咪要同你計都足?? 你都唔就吓我??

毎次諗起都好想喊, 我都係想慳多啲錢啫, 有乜錯呀? 我幾時會話要買啲貴野俾自己用?? 你想買鏡頭/相機我都由得你, 你話會俾番我, 我從無追過你, 我一定要你還都係想你有個心啫......

你阿爸阿媽成日話我哋間屋亂, 大佬, 我朝9晚7/8, 攰到死, 叫你幫手執你話唔識。我天生識既......


好好好好好好好唔開心呀!!!!!!!
你同我拍咗15年啦, 有無真心諗過我感受架??

朗朗開始行啦~

N 咁耐無寫 blog 添....真係有啲對朗朗唔住...

上兩個星期仲喺度諗, 點解朗朗咁耐都唔肯行....呢個星期開始, 會叫你拖住佢隻手嚟行, 現在去到商場 / 公園就會同佢行, 好開心呀~

朗朗毎進入另一個階段, 我個心又多一層體會....一個由開始係一條紅線, 一幅超聲波畫面, 到現在呢個小人仔, 會同我玩捉迷藏, 要我同佢玩字咭, 睇 dvd....

佢除咗聽得明 clapping 要拍手, waving 要揮手, tongue 要伸脷之外, 呢期聽到 touch yr head 識拍頭仔....實在太 cute....

我狂吻佢, 佢仲要咀番我...超冧....(仲冧過爸爸錫我...唔好俾佢知)