UKULELE - 4TH LESSON@022714

UKULELE - 4TH LESSON@022714

上堂阿蛇病咗, 又隔多個星期先上
阿蛇話睇得出我有練過, 唔錯喎 :)
 
今堂教 "約定", 頭嗰啲係先 "夾" 線, 再勾線
勾線練習
到副歌掃返 FOLK ROCK STYLE
首歌好好聽呀~不過啲 key 好高
真係阿 FAYE 先唱到.....阿蛇話呢份譜係 Fm key,
下次俾份 C KEY 既譜我哋, 咁會易唱啲喎

阿蛇見到班長卡路有個新琴,
佢話佢可以幫我哋攞琴平啲
已經叫咗佢話我哋想要個23"....
俾埋錢架啦~

仲有, 我哋有試彈 DO RE MI
阿蛇問我哋想之後彈乜野,
蓉爸話想彈 SOUND OF SILENCE......BEATLES....
我就想彈 CANNON IN C, 但阿蛇話呢首好難彈,
要學多幾堂先可以.....

一人一花計劃 - 新畿內亞鳳仙 - DAY 51@2.27.14

一人一花計劃 - 新畿內亞鳳仙 - DAY 51@2.27.14

喺面書谷度問咗, 版主建議我換盤,
嗱嗱林換咗個盤.....
唔係想換盤, 我都發現唔到佢出咗幾個花蕾

巧開心呀~你要乖乖哋呀~
媽媽會日日同你淋水架~

K2 中文字

K2 要學好多中文字,
有啲好似 "春" <-- 咁多筆劃都識寫
我覺得好神奇....
朗朗班主任都話下學期啲中文字深好多...

朗朗現在鍾意認啲中文字出嚟, 但笑料百出,
佢現在成個 ABC 咁, 睇見啲水牌, 巴士名

LOK SHING HOUSE = 樂"星" 樓, 明明係樂誠樓
旺角東站 MONG KOK EAST RAILWAY STATION= 望角陳站 <-- 唔識 "旺角"兩字, 但用英文嚟譯, 東字唔識但記得個 "陳" 字例如:
小心地 "跣" <-- 唔識個滑字
"兔" 生危險 <-- 佢曉個兔字, 唔知佢少咗一點, "危險" 就唔知佢點解認得
"水"鮮雞 <-- 喺百佳都要認字

阿娘話佢似足我細個.....
大窩口站話人口站,
九龍城話九龍威

游水堂@022214 - 練手踢腳加抖氣

游水堂@022214 - 練手踢腳加抖氣

今日只係同我提過有啲攰,
但已經同我講唔駛陪佢....雖則有拖到我去門口....

我見佢已經練緊雙手撥水, 踢腳加抖氣,
唔駛阿蛇扶, 但佢抖氣係好似蛙式咁而唔係側頭
我見阿蛇有捉佢只練抖氣

阿蛇問下期會唔會報,
我見朗朗學得幾好....加價我應該都會繼續報

第一次集運集到咁鬼煩

第一次集運集到咁鬼煩

件貨星期五話已到集远, 但係, 集远話無收到,
個死賣家又唔答我
天天快递...你打一個電話, 佢叫你再打去惠陽分公司,
惠陽分公司又叫你打去大亞灣分公司
而大亞灣分公司又話唔知佢係咪有送,
但係又叫你唔駛再打俾佢, 話佢會發....
煩到我死.....

同朗朗去拍拖

如常既星期日, 早上同爺爺飲咗茶,
晏晝三仔爺大覺訓,
我突然發現朗朗自己搵褲著,
原來衰豬去唔切廁所瀨咗.....

趁另外兩位賴生未醒,
同朗朗落去high tea~
兩母子嘆咗個雞脾薯條
我問朗朗會唔會幫我搞奶茶到18歲,
佢話會搞到5歲......

K2 上學期家長會@2.15.14

K2 上學期家長會@2.15.14

又到家長會既日子,
上星期六我哋又一行四人一齊去學校,
朗朗選擇喺出面玩車.....

冼老師話朗朗無論學習, 體能方面,
都可以跟到佢個年齡, 無乜問題,
同時, 亦能同其他小朋友一齊玩,
(冼老師話佢好鍾意睇書, 有時自由時間會選擇自己去圖書角睇書)
要改善既, 係朗朗對紀律方面既慨念差啲,
佢話早幾日要去九龍公園睇植物,
兩個小朋友一組, 佢帶咗個小朋友行咗去,
而唔係跟住排隊參觀
要多加注意

hohoho, 真係俾佢激死....我行我素,
我都擔心佢上小學咁樣會好麻煩

另外, 我都提出話朗朗早排返游水班喊
同埋嗰隻太有規律既性格要留意

心底都係好鍾意冼老師,
真係睇得出佢好錫啲學生,
同佢....佢瘦咗呀~

咸柑桔@2014

咸柑桔@2014

原先問過同事話幫我留啲桔,
到分桔仔時已得返十粒內.....
好笑係有一位同事話俾多幾粒我, 因為佢唔要咁多....
@.@ 我多幾粒究竟有乜用呢?
真係多謝佢既一番好意
另一位話幫我, 或者我幫佢喎
我話.... 多謝哂啦, 你自己嚟啦, 我唔會幫你

返到歸....口痕同夜更叔叔講,
清啲桔時可否留啲俾佢,
又同啲媽媽講....

第二日, PATPAT 同WAKO 都話留俾我,
看更叔叔都留咗俾我呀,
最後我推咗PATPAT 同WAKO 啦,
要咗叔叔嗰啲

今年啲桔仔好靚呀,
整咗兩樽, 好開心呀~!

一人一花計劃 - 新畿內亞鳳仙 - DAY 43@2.19.14

一人一花計劃 - 新畿內亞鳳仙 - DAY 43@2.19.14

明明尋日先17度, 今日可以得返8度
巧恐怖, 今日又要幫賴風仙蓋被.......
乖呀, 媽媽錫錫

之前朗朗學校派咗幾粒綠豆
咁多日終於發芽啦

 

 

UKULELE - 3RD LESSON@021314

UKULELE - 3RD LESSON@021314

今堂教 FUR ELISE
我巧鍾意呢首歌架~

阿蛇話我哋要練多啲個彈音練習, 話巧重要
彈音練習

阿蛇見到班長卡路有個新琴,
佢話佢可以幫我哋攞琴平啲
已經叫咗佢話我哋想要個23".....

 

搵到條片, 嗰位樂手應該用同一份譜彈既~
不過我覺得佢啲拍子好似唔多啱

木糠蛋糕

就嚟情人節, 問起 KATIE 會整啲乜俾男友食,
(查實我都知佢廚藝麻麻, 所以先八吓)
佢話有諗過整蛋糕,
咁我話一齊去啲 BAKING SHOP 買料,
去到, 佢轉肽話想試吓整木糠蛋糕
由於擔心佢個成品, 我提議佢試整一次先
佢買咗淡cream, 加雜嘜瑪莉餅

到星期日收到佢 WHATS APP 問
唔知點解佢啲 CREAM 打起後出"奶"
吓?? 呢個餅已係低LEVEL 野嚟架啦喎.....
第二日佢帶返嚟俾我食,
意見係....個cream 太奶太"漏", 唔甜,
啲餅碎有大有細, 一啲都唔夠碎, 無咗"木糠" 既feel
不過尚算入到口....所以再試應ok 既
而佢出奶原因, 懷疑係佢打cream 打到油水分離,
由於啲油加埋啲煉奶, 先會變成奶

佢今日話再去買料嚟試, 希望成功啦~
 

**巧恐怖...出咗 "奶"***

 

唔係個天氣咁凍, 我會立即整份俾佢試

呢個做法係michelle 教, 真係超簡單.....

 

材料:

CREAM
煉奶
瑪莉餅

1. 先將瑪莉餅打碎成沙狀, 備用
2. 再將 CREAM 放入一大盤中, 用打蛋機打成尖峰 (如天氣熱要坐冰, cream 亦要雪過)
3. 打好後加入煉, 混合好 (用膠刮而唔係打蛋機)
4. 先鋪一層cream, 一層餅, 一層一層咁鋪, 放入雪櫃已可

一人一花計劃 - 新畿內亞鳳仙 - DAY 36@2.12.14

 一人一花計劃 - 新畿內亞鳳仙 - DAY 36@2.12.14

呢個禮拜勁凍, 夠膽死由十幾度跌到去7度
溫差勁大, 一路都好擔心棵鳳仙

之前睇鳳仙谷啲谷友教用膠袋去保溫,
我環保啲, 攞咗個麥當當袋去冚,
再剪啲洞洞俾佢透吓氣

但係, 唔知因為天氣凍,
定係星期一帶咗返學奔波勞累,
佢有啲謝謝哋.....
乖呀, 你要頂寺呀!!!

 

7度下既嚴寒

天寒地凍....我開始流鼻水啦......
點解會咁凍架......
我今日第一次攞咗個暖爐出嚟烘住朗朗換衫....
新年仲咁和暖, 反而一返學就咁凍,
真係好驚佢兩個會攝親

陶源酒家 - 有得揀千萬唔好嚟!!!

可怒也!!!

今日有廠過嚟請飲茶,
我上週已一早打咗去陶源訂枱
我打咗去周圍既都無位, 係得佢有....
我仲諗....咁lucky??

為防好似上次咁去到先話無咗我個booking
我今朝仲打去confirm 多次

去到, 超多人.....簡直好似去咗花市咁
個個都訂咗枱, 有啲仲要係年前訂
多人多到入面都企滿人

我唔係第一年去呢度飲新年茶,
但係, 無咁多枱唔該唔好受咁多 BOOKING 啦,
個個都呆企喺出面,
無位我咪去第二度囉, 唔駛成村人鼓譟架?
今日初十一咋喎......

氣谷到爆......
又唔係好平, 做乜要受啲咁既氣!!!!

買玫瑰鍋- 豬孖劇

買玫瑰鍋- 豬孖劇
 
我喺面書谷度 po 咗個鍋,
想唔到好多朋友同我一樣好有興趣
(想當日我都係咁crazy 愛上, 即刻買咗個嚟用)
好啦, 等我簡單咁教吓點 "豬"
 
首先, 當然要 APPLY 做會員先啦
搞掂後, 去返嗰間鋪既 LINK
 
玫瑰鍋 LINK

我上次買嗰個24", 連運費都係唔駛 400
同事嗰個高身, 連運費都唔駛500, 超抵

呢度係永安大減價.....
嘩......我嗰個要 $999??

 

 

首先揀想要啲乜,
例如我想買 #12
你可以揀 #12, gmarket 係咁, 佢有個所謂既底價,
毎個item 都唔同價錢, 會on top 咁加錢上去,
item 12 係50000 won

 

不過, 由於佢寄 EMS 嚟,
你寄一樣野又咁多錢, 買多啲都唔貴得好多,
建議買多啲衫呀褲呀咁, 豬孖劇啲衫都巧抵架~

揀好哂啲野, 就揀俾錢,
最多人kick 住就係俾錢度,
不過可能我用開 PAYPAL (不過個 EXCHANGE RATE 高啲架)
一向都無問題

我最初搞唔到係唔知點買,
查實一啲都唔難架~
 
REF:
韓國玫瑰鍋 - 實戰篇
韓國玫瑰鍋 - 用法

網站 BLOGGER

今日收到兩個網站問有無興趣加入,
哼?? 有人睇過?

瘦身大作戰 @FEB - 終於肯去搵鄭老師啦~

唉...口講咁耐
我到2月9 先第一次搵鄭老師
食野方面, 我一路都開始減食,
唔知係咪姨媽到既問題
勁無胃口, 但係仲係咁肥.....

好, 落大雨, 我搵鄭老師幫吓手先,
已經搵最簡單第一操....

嘩....去到20mins, 我已經頂唔寺....
成面汗, 朗朗問點解啲人無汗, 但我成面都係,
hahahaha
佢話我做錯....
梗係錯啦, 我都無力啦.....

第二朝我條腰勁酸....
好, 睇吓能否keep 住先~
加油呀媽媽~

韓國玫瑰鍋 - 實戰篇

韓國玫瑰鍋 - 實戰篇

買咗返去我都未用添,
終於喺星期六開咗光,
睇咗點開鍋後, 星期六先試整野俾小晞食

 

 

蕃茄薯仔烏冬
如往日咁整, 唔知係咪心理作用
好似好快滾咁, 同埋佢唔深,
我好易撈啲野出嚟
仲有呀, 我覺得啲蕃茄好濃, 唔通真係關佢傳熱好?
因為我都覺得好濃郁呀

煎蘿蔔糕
如同事所講, 我真係一滴油都無落,
先用中火, 好快你已經feel 到佢熱,
再放啲糕上去, 好快已經兩邊都好金黃, 好靚仔呀~

游水堂@020814 - 練手加踢腳

游水堂@020814 - 練手加踢腳

今日肯換衫, 只係話想坐多陣,
我已經自行抱咗去俾朗哥哥
見朗哥哥同佢傾咗陣, 肯落水.....wo..... (鬆口氣)

其實佢真係游得唔錯
第一當然因為佢係我個仔,
做乜都好似特別好咁啦
第二佢只得4歲咋喎, 仲想佢曉飛咩~

小心紙包飲品

小晞已識自己插飲筒攞野飲
之前仲以為係姨姨飲完唔理先俾小晞飲,
原來嗰陣未夠18個月已經識自行開飲筒拮野飲.....
啲野飲要放好啲先得啦

一人一花計劃 - 新畿內亞鳳仙 - DAY 29@2.5.14

 一人一花計劃 - 新畿內亞鳳仙 - DAY 29@2.5.14

差唔多一個月啦
早幾日好似見到有少少謝謝地, 捲起......
現在又好似生咗啲葉, 同埋早上睇同夜晚啲色好似唔同咁既.....

**DAY 29@2.5.14**

Oyster Station - 生日飯

Oyster Station  - 生日飯

小天使食評
今日係初五, 完全諗唔到食乜,
老公決定同我一齊去食蠔,
之前同姨媽飲茶見到話試吓都好喎, 就嚟咗呢間

入去前睇吓MENU, 同蠔客相比貴咗啲喎,
仲要佢係位處於樂富而唔係紅磡喎.....

個門面都好奇怪, 俾條通道分開兩邊,
感覺似係啲車仔檔咁.....
仲不停播啲不知明既mv, 有新有舊......

坐低, 有位叔叔介紹吓
我哋order 咗半打蠔 (因為都唔平....:p)
再叫咗一客牛扒, 一客墨汁蜆肉意粉
overall 都好好味, 係貴啲囉.....

**我想食甜啲, 最右邊係最淡,
順時針最濃, 但第二組好鬼醎.....

**好似有 10oz, 但好似有啲薄.....
不過牛味都唔錯, 連蕃茄仔, 薯, 南瓜都好味, 只係茄子有啲苦**

**叫咗MEDIUM, 但似8成囉....**

 

**個意粉都好好味**

韓國玫瑰鍋

同事介紹我用呢個鍋,
心思思上咗豬孖劇買
我買咗個24" 矮鍋, 貪佢可以整煲仔飯又得,
當炒吓野又得~

==>> 韓國玫瑰鍋用法 <<===

 

 

貓舌餅乾

貓舌餅乾

見做咗牛油奇曲用咗啲蛋黃, 有啲蛋白留低,
順便用咗佢嚟整貓舌餅乾, 俾埋啲小朋友先
 
 

 
 本身已係金筒牛油, 已經係 CREAMY 狀

 
分次加入蛋白

 
開頭搞都好地地

 
唔知點解慢慢變咗咁....好似油水分離....
嗰吓我個心真係離一離

 
我又試吓加埋分會變成點
啲質地又好似結合返咁喎.....

 
儍朗又要影佢

 
點解我擠花既技巧硬係咁差,
毎一條唔可以好smooth 咁......

 
呢盤我毎一條太埋, 有啲溶埋一pat

 
我再焗多陣, 好似好少少

 

老公話質地好好, 佢好鍾意食喎~
下次再整俾佢食先~ 


食譜:
無鹽牛油 60克
糖粉 35克
鹽 1/8t
低筋麵粉 60g
蛋白 60g (約2個雞蛋)
檸檬皮屑 <--我無, 所以無加

1. 將已放室溫既牛油切小塊, 用打蛋器打至軟化
2. 加入糖粉再打至淡白, 成尖峰
3. 蛋白分 4~5 次加入牛油, 毎次均要打勻先再加入下一次
4. 將篩好既低粉分兩次加入, 用刮刀混合成團狀
5. 最後加入檸檬皮&鹽混合
6. 將麵團裝入約0.7mm 既擠花袋中擠成一條約6cm 既長條
7. 放入已預熱 160度既爐焗 10mins, 至餅乾邊有一圈上色已可
8. 出爐後留喺盤放涼會變脆, 或者留喺爐等佢自然涼 (我兩盤各試一樣, 但我都係覺得唔夠脆, 但老公反而鍾意)