漫畫停不了

今年仍然唔敢入書展....怕多人
托了阿姐幫我買咗呢期我至愛既爵爵同馬仔~~
爵爵真係堅抵死好笑....
馬仔啲風格一路都好啱我feel
好滿足呀~

其實我都新近愛上文地
但佢今年突然出太多本....所以決定一本都唔買住.....

近期面書新開咗個 page, 係講診所啲趣事, 好有趣架~

MAGGIEMARKET
文地貓 Mandycat
爵爵港不停
診所低能奇觀

我的小天使

小晞已經 2 歲,
而朗朗都 4.5 歲啦
大咗好多呀

小晞現在成日學大人/哥哥
有次見到佢學婆婆點香.....
哥哥尋晚鬧金金, 口吻同婆婆一樣....好好笑

兩個訓覺覺豬時真係小天使....好可愛呀
忍唔住會咀落去

唉.......我仲可以為佢做啲乜?

今日早上收到醫院電話, 話醫生想見吓我哋
我約埋細佬去,
返到公司, 又收到醫院CALL, 醫生話想同老豆做食道照聲波,
我哋去到時已做完可以聽埋REPORT

4:00 早走, 去到5點幾,
但係未得, 呢個時候先見到老豆推出嚟,
原來呢個時候先做.....
呆等到約6:00, 今次係凌醫生
佢話, 爸爸個情況一直咁差,
開始有燒, 但CHECK 哂所有野, 
都 found out 唔到乜野事,
佢有可能會突然咁差......

佢話睇唔到佢會有機會出到院,
好既機會唔會無....但好低.....
仲話, 如果情況真係好差, 
到有事發生, 未必會同佢做心外壓.....俾佢舒服啲同有尊嚴啲

之後謢士長同我哋傾,
話叫我哋叫齊啲屋企人嚟
我問, 想帶埋朗朗小晞嚟, 佢話俾我哋帶佢入一入,
等佢開心啲

我真係好實....好實......
返到屋企, 只能同阿媽輕輕講吓,
都不能太直接

唉.......我仲可以為佢做啲乜?
毎次已經有同佢按摩, 搽野
希望咁樣可以令佢舒服啲啦.....

呢幾日朗朗扭抱....
突然諗起,   
細個時, 爸爸見我喺巴士未醒, 抱我落車
其實我醒咗....扮訓, 旨在想嗲吓.....
爸爸抱我既感覺我係仲記得......
我都未開始孝順你....你要快啲出嚟, 等我同你去食野

牛油餐包

牛油餐包

自從上次用咗白馬仔整包後,
一直到念念不忘搓包既手感,
今日又開檀.....HAHAHAHA

今次參考簡易食譜- CHRISTINE 既做法,
但我想有好啞色既感覺, 所以無掃蛋汁

牛油餐包 Butter Buns@簡易食譜

今次我跟足食譜, 但發現, 佢除咗有用奶粉,
仲有加牛奶落去...
我記得包包堂阿蛇話,
用奶粉+水, 啲包會軟啲,
而如果只用奶, 個包個硬身啲。

我照落足料, 但發現搓粉時, 舊粉有回縮
我記得早排睇 CAROL 本書,
佢有講過, 可以既話, 儘量加多啲水落去,
我搓埋牛油後, 覺得舊粉仲唔多夠水,
我再續啲續啲咁加水落去, 
感到撻舊粉落枱時有 "耳垂" 既感覺
先收手, 繼續撻...直到有膜 (仲係唔係好薄, 但有, 我當我做到架啦~)

焗咗出嚟, 好香呀~
啲包好軟熟
第二日我帶返工, 放咗入雪櫃,
再用爐焗 5 MINS 左右, 個面好脆, 包包好軟熟~
同事都話好好食呀~

材料:

• 白馬高筋粉 250克
• 759韓粉低筋粉 25克
• 金燕快速酵母 5克
• 黑白奶粉15克
• 幼砂糖 40克
• 海鹽 1/2茶匙
• 和暖清水 100毫升
• 和暖牛奶 80毫升
• 牛油（奶油 butter 置室溫軟化） 40克
• 蛋汁（塗麵團用） 少許 <-- 我無用, SKIP 咗

做法: 

1. 把所有材料（除牛油外），用手搓搓勻
2. 加入牛油，搓至麵團可拉開薄膜狀態
3. 滾圓，置入已薄薄地塗上油的盤中，用保鮮膜蓋好
4. 進行第一次發酵，直至麵團發大兩倍，約 1小時
5. 用手按壓麵團，擠出空氣。取出麵團放在清潔的工作台上，灑點高筋粉 (我現在唔多落粉, 係落都係少少, 唔想影響到舊麵團)
6. 切割成 8等份，滾圓，排在輕塗油的圓焗盤中（見右下角小圖）。用保鮮膜蓋著，進行第二次發酵
7. 直至麵團發大至盤邊緣，彼此輕輕擠壓著，約 1至 1½小時。
8. 預熱焗爐至 170C, 麵團表面輕輕掃上蛋汁。放入焗爐，焗約 20至 25分鐘
9. 拿出焗爐，放在鐵架上 2至 3分鐘，脫模

鹽麴白馬仔麵包

鹽麴白馬仔麵包

呢幾日閒時睇吓 CAROL 個 BLOG
見到佢呢個鹽麴包幾正咁喎
由於我未開始搞天然酵母,
唯有先攞我啱啱整好既鹽麴嚟整包先~

天然酵母。鹽麴奶油花圈麵包 (BY CAROL)

啱啱用哂啲金帆船,
忍唔住開咗包白馬嚟試
由於今次落水既人係朗朗, 佢一次落咗好多落去
唔知係咪咁....今次好好搓.....
手感好正....
我唔知係因為白馬, 鹽麴, 定係多水.....

有啲包我包咗啲 NUTELLA 落去,
我俾咗啲包阿娘....佢話好軟熟.....
朗朗同小晞都鍾意食

材料:
高筋麵粉300g
細砂糖10g
鹽麴1大匙
速發酵母1/2茶匙
無鹽奶油40g
暖水200g <-- CAROL 係用冷開水, 我改用暖水


1.將所有材料(奶油除外)放入盆中攪拌搓揉成為一個糰狀
   (液體的部份先保留20-30cc,在攪拌過程中視麵團情況慢慢添加)
2.移至桌面,繼續加水將麵糰搓揉成為一個均勻沒有粉粒的糰狀
(呢個時候...朗朗一口氣加多咗)
3.然後將軟化的牛油加入慢慢混合均勻 (感覺好似明明搓好, 又被整散)
4.抓住麵糰一角,將麵團朝桌子上用力甩打出去,然後對折再轉90度
5.一直重覆上述動作直到麵糰光滑並且可以撐出薄膜即可 (今次真係有膜啦~yeah)
6.麵糰光滑面翻折出滾圓,收口捏緊朝下放入抹少許油的盆中
7.在麵糰表面噴一些水避免乾燥
8.第一次發酵90-120分鐘至2倍大
9.桌上灑些高筋麵粉,將麵糰移出到桌面,表面也灑些高筋麵粉
10.將麵團中的空氣用手壓下去擠出來
11.麵團平均分割成8等份, RELAX
12.做型, 放在烤盤中
13.麵團表面噴些水,再發酵 - 60-90分鐘至2倍大
14.烤箱打開預熱至 200度
15.在發好的麵團表面篩上一層高筋麵粉
16.放進已經預熱至200度的烤箱中烘烤16-18分鐘至表面呈
     現金黃色即可
17.放涼

小晞 2 歲語言測試 + 公共交通工具一天遊

小晞夠兩歲, 係時候要返去 RECHECK 語言發展
今次有12.65 kg, 姑娘話係中上SIZE,
叫我要戒咗用奶樽

另外, 佢攞咗本書仔,
考小晞, eg, 打開一頁, 問佢邊個係食野既叉叉,
另一頁, 乜野係坐既櫈
有啲佢識, 有啲唔識 (嘩....好似幼稚園啲interview)

又有問佢有無兩個字講,
話 "電視" 唔算係, 要 "睇電視" 先算係兩個字 (佢意思係要有動詞+名詞吓化....)
不過最後姑娘都話佢ok,
再見佢係四歲check 視力

搞掂去接朗朗放學, 食lunch
之後一行四人先搭 3c 去 GATEWAY, 睇 SNOOPY
小晞訓咗, 無影相.....
再去海運大廈前影相 (小晞仲訓ing)
到入返去海運大廈, 佢醒咗......

 

再搭船去灣仔, 去雪印度攞禮物.....
再轉van 仔過瑪麗睇公公
(今日公公好好精神呀)

攰到我儍....不過同朗朗小晞婆婆一齊去玩
好開心呀~

PS: 交咗幼稚園 FORM 俾可立啦, 校長話可以後補相, 而 MISS TANG 話幫我諗吓細佬叫乜野英文名

維達有奬遊戲

之前 FB 有個有奬遊戲
點知抽到我喎~

去咗鴻圖道 1 號攞咗....係一大條廁紙~
益咗阿娘~

腦發展講座@7.11.14

腦發展講座@7.11.14

CASE 1:
FROM GIGI:
仔仔平日與表哥 (叉燒仔) stay 喺婆婆度,
有時同表哥一言不合/爭玩具, 就會起手打人,
仲要主要只係打表哥, 婆婆媽媽都少打
(卡路表示佢有被打過)
打完表哥, 表哥即大喊,
而婆婆/姐姐嚟安撫, 鬧表弟時, 表弟會又喊埋一份
如叫表弟等一陣, 如十秒俾表哥, 好快又打過
有時打完表哥, 好快又好似無事發生過一樣
就算媽媽罰企, 佢又無所謂, 唔會話反抗

FROM 在座家長:

-       小朋友未有時間觀念, 不知何謂 “十秒”
-       唔識表達情緒
-       鏡像神經

FROM RICKY SIR:

-       表弟情緒比較穩定
-       要令佢明白, 一件事還一件事
(大過後唔會針對人, 而應只針對事)
-       唔識何謂 “分享”, 唔知道別人既感覺。
由於語意發展尚未成熟, 要用動作示範,
如家長要喺小朋友面前分享俾小朋友/家人
-       教小朋友以語言而唔係用行動嚟表達 “憤怒”,
如家長能講: 你唔俾個波我玩, 我好”嬲”呀, 好唔開心呀
(而唔係發老脾扔野….etc)
**要多嘗試, 因不一定很快成功**
-       缺安全感 (欠血清素, 皮質醇高)
-       睇得多太電視
-       練力
(可找一個大既地方 – 如沙灘, 抛波/物件,
從而令小朋友感受到, 大力可抛得遠啲, 細力會近啲)
-       二人一齊既game (如抛波/汽球)
令二人培養感情, 一人唔開心唔玩, 第二個都無得玩
仲可以MARK 低數字, 學埋數字/加減數等
-       學習與人相處
-       男仔之杏仁核大粒啲, 女仔細粒啲
所以男仔對危機感反應會大啲 (比較敏感)
-       腎上腺素高
-       鏡像神經
大人表達, 如忽略小朋友 --- 罰 ß註: 我唔知自己mark 咗啲乜
-       冷靜 (深呼吸)
-       小心言詞:
Eg: 我“以後”唔睬你 ß XXXX
應講: 我“現在”唔睬你

CASE 2:

小朋友6歲, 成日都唔做功課
**各家長各自以一個可能既理由嚟提出解決方法,
RICKY SIR 加以補充**

A)唔願做功課, 留俾媽媽
-       一齊 FIND OUT 功課唔識既地方
-       先做識既地方
-       如果唔識, 漏空第二日問老師, 再等小朋友返屋企教返家長
-       可試行問同學/表哥表姐等 (加強與同人溝通)
-       轉換角式, 如平日媽媽睇, 轉由爸爸

FM RICKY SIR:

-       小朋友怕錯, 唔敢做錯, 怕後果
所以要讚佢有儘力做, 唔怕做錯,
要改變價值觀, 要試做功課
-       可由爸爸”委派”媽媽做其代言人, 嚟監察兒子
-       兩公婆唔好喺小朋友前挑剔對方

B) TIME MANAGEMENT
-       定時要做好功課, 那餘下既時間可以玩
-       與孩子一齊定時間表

FM RICKY SIR:

-       讚賞: 樂於參與 (產生多巴安)
-       定時間表: 做到與否均可一齊慶祝

C)  興趣

-       將做功課化成 GAME
(如先由媽媽做一part, 小朋友做另一part, 交替做)
-       限時 à 自己與自己比賽
列成圖表, 看看昨天的自己幾時做好,
今天要乜野時間做好
令其產生成功感 (多巴安)
-       大肌肉運動
要有休息時間, relax (狀態轉換)
-       分門別類
如分科做功課/或由填色->填字->作文
可給予小朋友按先後次序嚟做

D)   等愛人返屋企先做…..如daddy

-       同 DADDY一齊set up 奬勵計劃
-       先做好功課, 待daddy 回家可一齊玩
-       了解原因

FM RICKY SIR:

-       DADDY 委派媽媽做代言人嚟監察做功課
可於做好後叫媽媽打電話俾爸爸,
返屋企可一齊慶祝
-       唔批判無做好功課答案是否正確,
令小朋友知道父母接受自己既行為

E)  唔想用腦

-       推搪
-       一齊查字典 (唔係網上字典)
-       錯過, 有挫敗感
-       小朋友自行決定唔做功課對與否

FM RICKY SIR:

-       如小朋友已做好功課
先唔好批判功課做得係咪啱 (外圍因素)
-       沒成功感 (價值)
-       有事未做完
可欣賞 / 讚 (令親子關係好)
-       激家長 (一定要冷靜)
-       集中力不足

CASE 3:

FROM SARAH:
媽媽大聲鬧兩個仔, 例如: 我以後唔要你….etc
事後好後悔, 對兩個仔道歉

FROM RICKY SIR:

-       如小朋友當眾挑戰你, 唔好當眾回應小朋友
要拉埋一邊講
-       如父母做錯, 可對佢講: 我做錯咗, 衝動咗,
下次可否提吓爸爸媽媽
-       讚小朋友識勸自己

CASE 4:

FROM ANGELA
小晞經常郁啲就郁手, 好易發脾氣,
相反哥哥自從返咗游水班後情緒好咗
小晞學哥哥既野係幾乎100%
亦聽從 RICKY SIR 之前既建議 2歲前唔同佢返 PLAYGROUP
現在對教好細仔好頭痕, 唔知點著手好
另外, 哥哥有次俾小朋友撞到好痛,
佢有大喊, 而嗰位小朋友亦有道歉, 我同阿爸由佢喊咗陣,
事後我哋兩個都有讚哥哥做得好好

FROM RICKY SIR:
- 由於哥哥性格好, 細佬慢慢都會跟大佬乖
- 細佬細, 但都可照樣講道理
- RICKY SIR 讚我 (hohoho) 已用啱方法, 唔駛擔心
 

前額葉強 à 思考

-       不要常刺激小朋友情緒 (如鬧) à 刺激杏仁核
-       當小朋友做出嚴重問題行為時, 要罰/喝停
-       重要野要鬧 (令其知道嚴重性)