美素佳兒打嚟竟然唔 sell 米糊粉

今日收到美素佳兒打嚟,
佢問我現在食幾多糊仔
我話現在食兩餐, 咁佢就話唔好俾兩餐喎
到佢食粥仔就SKIP 咗糊仔啦
咁我講, o係婆婆度就 2 餐粥仔,
o係我度就 2 餐糊仔
同埋我話覺得個囝食咗固體後佢食奶食少咗
佢話係會咁, 因為糊仔香口d, 所以可以既話食粥會好 d 喎
(真係唔明, 明明自己有賣糊仔, 竟然sell 我唔好食都有.....)

佢話食糊仔主要係俾佢習慣吞野,
之後都要儘量食粥仔好 d 喎 (同健康院 d 姑娘講既一樣喎)

我有問佢有無糊仔sample 送or 寄coupons
佢話暫時未有喎

都係媽媽唔啱

都係媽媽唔啱......

昨晚老公去咗踼波, 同朗仔玩枕頭玩得太 HIGH, 隻指甲唔小心整到佢塊滑滑既面珠, 即刻狂喊, 好唔容易先氹得番佢笑番

無幾耐爸爸打嚟話叫我煮野, 我只係離開張梳化 5 秒入咗廚房, 就聽到 "啪" 一聲, o個半秒我o係度諗都好細聲, 唔會係碌咗落地啩....點知一衝出去, 見到你成個人仔訓咗o係地下, 好彩有個枕頭咁啱墊住個頭仔 (可能係朗朗當時打側身想攞隻枕頭連住既雞仔, 所以跌落地時都拉住一齊落地) 我真係個心都跳咗出嚟呀, 好肉尺....見你o個 d 豆大既眼淚, 真係心都痛埋

朗朗佢一見到我即喊, 我已經唔記得佢係見到我先喊定係未見我就喊....今日再睇佢個頭, 又無起 "樓", 好彩, 見佢仲識古靈精怪咁玩, 先放心 d咋

諗諗吓, 早排我老豆發夢個孫o係我度碌咗落地, 現在實現咗.....

 

原本唔諗住咁快買chair 俾佢, 可能要去ikea 買佢張 high chair, 束住佢, 等佢睇住我煮野。但老公話怕佢會想反身, 驚佢反出嚟....

 

今日個心成日都唔係咁定咁, 好似 d puzzles 散哂咁呀......

老公要轉工

老公早前去咗見工, 係由 Micky 轉介既, 最後 confirm 請咗佢

要 8 月2 先返, 份工已經比呢份工多 $1000, 過咗probate 再多 $1000。雖則仍比之前份工少咗 $1000, 但佢唔駛成日 o係 OUTDOOR 做野, (我已經好心痛啦) 已經好好多。

希望佢做呢份工可以一路順順利利啦

朗仔下面兩仔牙仔出齊啦~

朗仔下面兩隻門牙都出齊啦, 上面就好似想出, 但又未出咁.....

昨天返屋企食飯, 我開緊枱,
我想將個囝放番落 high chair, 點知我阿媽話張high chair 太熱
擺佢o係梳化好過,
咁我話擺佢o係梳化, 佢實會反來反去, 整親點算,
我阿媽話搵人坐o係隔離囉,
但係飯枱同梳化有一段距離架喎, 你坐呀, 佢話係....
我即刻話鬼佢, 食飯要坐番飯枱, bb 現在睇慣,
遲d 又有樣學樣, 食飯要坐梳化唔乖乖咁坐o係飯枱仲得了
我阿媽話到時會教, 吓, 你都唔身教, 佢點會乖呀
**當然我個仔呆咗咁睇住我 "教" 婆婆**
我知我係大聲咗, 但我o係度佢都咁, 唔o係度點算呀?

有時知佢係錫個孫, 但都唔可以咁架....佢後尾o係我同阿妹嚴密監視之下, 用 9 秒 9 食完碗飯....平日睇電視撈飯都無咁快