健康院 - 第 6 個月

今日去咗健康院做第 6 個月既評估同打針
今次亦都係同婆婆一齊去
呢日我要做個叻叻媽媽, 由抱番阿囝打針同做評估

今日落好大雨呀, 不過最緊要唔好整到朗朗
幾驚又好似上次咁, 架LIFT 壞呀, 上次咩住架車想死咁滯....
今日唔駛度頭, 又唔駛度長, 只係磅重咋
重 8.37kg (即 18.414 lbs, 係中上碼 b)
我聽完心諗, 點解個囝咁輕架....唔通真係瘦咗
(我諗天下間既媽媽都會覺得自己個B瘦.....)

跟住去見姑娘, 姑娘話朗仔重得好理想,
跟番自己條生長線咁大, 食量ok, 可以繼續 keep 住咁餵
同佢講咗現在一日餵兩餐糊仔, TOTAL 3~4湯匙糊
咁佢話現在可以開始餵粥仔啦, 可以加D 瘦肉 / 雞/ 魚肉咁
慢慢代替兩餐奶, 因為之後奶只係次要架啦。

至於評估,
第一樣: 就係用鈴鈴睇吓bb 會唔會攞,
朗朗用哂兩隻手攞, 姑娘話咁就 ok 啦。
第二樣: 姑娘先問我佢識坐未, 我話佢識坐, 但個身會向前,
咁佢將朗仔放o係枱面, 朗朗竟然唔向前,
又唔用手按地, 自己坐到呀
姑娘話咁好好, 因為o係呢個stage 只係要求bb 用雙手按地坐到就ok,
第三樣: 就係將佢企o係度, 姑娘話佢都企得好好
之後就1 歲先返嚟啦~

今日打埋 4 合 1 (白喉+破傷風+無細胞型百日咳+滅活小兒麻痺症) 第三針
肺炎球菌 第三針
同埋乙型肝炎第三針
今次由我抱住
打第一針時無乜反應, 到第二針時到個姑娘攞支針出來, 就開始大喊,
連個奶咀都跌咗出嚟,
第三針有無喊都唔知啦, 因為仲喊緊.....
我抱住佢, 佢喊一陣, 停一陣, 好似諗諗吓又喊.....
之後攞咗
d 退消藥水走, 今次唔係飲 2.5ml, 係 4ml 啦。

**返到屋企, 差唔多成8:00 到先開始有燒,
餵咗佢食藥水, 好dd, 超嗲
到第二朝 (其實我都唔係好訓到) 又燒過
同婆婆格硬塞入佢個口度......
後尾都退咗燒啦.....好擔心......不過個個b 都係咁大架啦....
第一次做人阿媽係咁....

朗仔 6 個月大啦, 生咗人生第一隻牙仔

6 月 25 日, 係賴曉朗先生既 6 個月生日, 亦係呢朝早我發現佢生咗第一隻牙仔

好興奮呀~真係好似爆出來咁, 係佢送俾我既最好禮物

**諗番起媽媽早排話阿囝成日疴稀屎, 可能係出牙仔既先兆

老公心情低落 = 老婆心情低落

自從老公份工唔續佢約之後, 佢就心情低落, 搵咗差唔多兩個月, 都係去番 KEN 度做。

佢話呢份工已經少咗成 3 千蚊, 但係呢份工係會出去做野, 咁都可以一路做一路搵呀

今日同我講, 做咗 3 日就頭痛足 3 日....我聽完真係好DOWN....我已經覺得好大壓力架啦, 又要供樓, 現在囝囝出世又多咗駛費, 唔出街唔食都要駛一大筆錢。之前呢份工其實o係上個月已經話請佢, 佢又唔想做....現在叫佢做又好似好委屈佢....但無錢供樓時邊個幫我呀?

佢個人成日鑽牛角尖, 上個星期公司宣佈加 5% 人工, 咁我講起, 話現在份人工俾我十年前剛好一個double。佢聽完又呻......又唔知佢係真定假, 唔通乜都唔同佢講咩, 但講乜都好似死得咁......我個心頂住頂住好唔舒服

佢又鍾意買好野, 用好野.....毎次 now vs cable, 我有成年就要兩邊俾錢。佢娘家 speakers 壞咗就攞咗屋企個, 佢又要買過個新野。聽歌要用靚 HEADPHONE.....講緊係2千幾架。又話要買張床俾個囝.....又要買張梳化.....我已無錢架啦, 仲想點呀。

有日又無啦啦話下一個俾佢阿媽揍....激死我, 我話, 我諗住再生先算

成日諗到o個樣就想即刻做o個樣, 又唔諗吓我既感受。話就話我係老婆, 乜都講得, 但有 d 野講咗出嚟我會好唔開心架喎..... 點解佢成日都咁灰架, 我幾陽光都驚唔夠照佢......

HELP!!!

奶媽要收爐啦

之前一路都俾個 d CHECK POINTS 自己去餵人奶, 本來一路都諗住過咗 6 個月, 早晚都照泵架, 點知我覺得個身體話過我知唔得咁 (唔知其實關唔關心理作用事?)

一路都有帶個泵返公司泵, total 一日泵 3 次
但由於有客到, stay o係度成個月
其實之前都試過o係 toilet 泵,
但現在少咗好多, lunch 泵得一安
所以我放棄o係公司泵啦

月頭唔知係咪個客嚟辛苦得滯, 咁啱自己又病咗, 唔敢俾個囝食
好返dd 泵番, 奶量少咗一半....又唔知關唔關剛剛嚟番m (產後第一次)
現在早晚, total 都唔知有無4安

我上個月仲係早餐+宵夜, 呢個月頭變成宵夜餐
現在兩日先有一餐.....

諗到聽你講, 一日只泵一次....睇吓會點但我有日全日都唔泵 (其實我現在都係早晚泵一次)
第二日谷到好行......一沖涼即漏奶.....

 

現在個仔既 SCHEDULE 如下:

0700 - 6安 - 老公餵

1100 - 糊仔 + 奶 - 開 7 安奶, 落 2 安入糊仔度, 糊仔落 2 湯匙 (不過婆婆話佢有時分兩次餵, 有一次o係1900 o個餐)

1500 - 7 安奶

1900 - 7 安奶 or 婆婆俾埋一半份量既糊仔

2340 - 6 安奶 (我正努力推早 d, 希望可以做到2300.....)

個豬仔之前明明食完 1900 o個餐, 通常玩到2030 左右就扭訓, 呢輪唔知係咪想陪爸爸睇波, 成日 2130....呢兩日仲 2200 都唔訓, 都唔知佢想點

老人家 vs 新手爸媽

呢幾日同 d 網友傾開, 都講起無論我地點堅持, 去到 d 老人家度就無哂符.....真係好啱呀.....

公公婆婆
- 同佢講剛開始餵糊仔先餵一餐, 現在只係開始咗個幾星期, 佢將同一份量分兩餐, 仲要 1100 同 2100, 咁我星期六日又咁餵咩, 我唔想搞到個囝亂哂

- 叫咗佢唔好解條片俾個 b 去殊殊同砵砵, 佢又唔聽, 係都要.....我知佢係為我好, 想幫我慳d錢, 但我個囝唔輕架嘛, 佢年紀又唔輕, 又成日話腰骨痛

- 叫咗佢唔好抱住個b um 佢訓, 佢話bb 要咁先肯訓, 唔抱會扭。OMG, 我o係屋企都唔駛抱住 um 佢訓既, 叫極都唔聽

爺爺嫲嫲

- 叫老公同佢地講洗咗手先抱, 62 一句, 你地細個咪又係咁....大佬呀, 你o係樓下煲完煙先上來, 我唔想個仔食 3 手煙呀

- 餵奶就唔好同佢玩啦, 我 99 都係咁叫我 62 唔好撩佢, 等佢食完先, 但62 係咁......

- 個囝訓咗, 99 係咁用手搞佢塊面要整醒佢同佢玩.....

我老公成日 ee umum 我阿媽, 我激鬼氣咪o係我老公一個人面前係咁話 6299

HUGGIES 學習褲試用裝 1 片 + 學習褲coupons

上個星期收到 HUGGIES 寄咗份野俾老公, 有兩張學習褲 COUPONS 同一片試用裝。

佢張 COUPONS 只限中碼, 但係我個仔仲未試爬, 之前用學習褲試過漏尿呀, 我想留番遲 d 用又唔得, 佢大得咁快....

了解寶寶睡眠情況及提升睡眠質數 - FM babykingdomXjohnson's baby@6.20.10

今日一早出去, 去咗會展聽講座, 今次係第一次同阿仔過海

個講座都幾好, 我最滿意係佢歡迎你帶BB 去, 我見有D 講座講明唔俾帶BB 架。中途個仔係咁扭計, 我出去同佢換片, 發現個衰野成大包屎屎......

之後去鵝頸橋諗住食牛腩, 點知又賣哂, 最後我食咗鴨, 老公食羊腩.....

今日好熱呀, 返到屋企即刻開糊仔俾佢食, 個衰豬今日又無扭食喎, 仲食哂成小碗仔呀

朗朗食糊仔 DAY 3

今日我要返工, 朗朗就去婆婆度, 亦係第一日朗朗o係婆婆度食糊仔。

我同婆婆話, 朗朗呢兩日食 1 湯匙米糊 / 4 湯匙奶 (已開), 婆婆作戰完, 報告朗朗完一啖搶住食下一啖.....聽到都開心呀

今日做做吓野, 突然諗起, o係中學時, 去過可明別苑camp, 當時係同老公拍拖後第一次去camp, o個晚一齊上天台睇星星, 老公第一次錫我, o個晚成幫同學o係廳度玩, 佢見我訓, 睇住我訓著先出廰.....好sweet .....o個陣我唔明, 做乜要睇實我訓著呢? 有乜好睇? 唔悶架咩? 現在令我諗到, 有時我睇住個仔訓著, 有種幸福滿滿既feeling.....原來係咁, 點解我會遲咁多年後先知既呢??

huggies 6 個月生日禮物

之前o係 HUGGIES個網上參加咗個半歲生日會, 之後就收到寄咗份禮物嚟啦。
係新裝既尿片同coupons, 新裝好似大塊咗, 後邊仲有個好似袋仔既位, 咁唔怕個豬仔漏屎啦.....

http://www.huggies.com.hk/eparty/campaign-party.php
http://www.huggies.com.hk/eparty/campaign-wishtree.php?accessKey=94AFF3DD2530537C3BD707EC

美贊臣 A+ - 書仔@6.10.10

早幾日收到美贊臣寄咗本圖書仔, 都幾得意架
我有俾過朗朗睇, 不過佢起勢咁用力扭.....

朗朗食糊仔啦

我由昨天開始俾佢第一次食糊仔, 佢都 5 個半月, 開始俾佢食糊仔先~
呢輪佢好似大食咗, 往時早晚最多食 5安, 現在食到 7安呀。

昨天係第一日, 事實證明做人係要俾D 耐性.....一開波餵咗幾啖佢食得好滋味,
點知轉頭發老脾。咁心諗, 可能佢未READY 食掛....咁咪餵番奶奶囉。以我打不死既性格, 見佢飲完 4 安奶, 再試吓餵埋o個dd,
佢又肯食....yeah~呢條友仔真係一個急性子, 下次都要先俾咗奶佢食, 再餵糊仔。

今日再俾佢食, 今日我開 "結" 多dd, 先將今早泵到既人奶俾佢食咗, 打定底先。佢食咗 3 安到, 等多陣我就抱起佢俾佢食糊仔, 個豬仔食咗頭兩啖, 喊喎....我唔理佢, 再餵, 佢仲用條脷頂出來。

好, 我就陪你玩多陣....其實我個心當時都幾灰, 不過為咗佢, 要俾d 耐性....之後再擺佢o係梳化, 咁樣嚟餵又睇吓得唔得, 哈, 又唔得。算, 我俾番佢食奶, 又唔食, 都唔知佢想點。咁再同佢玩吓啦, 發現個豬仔根本係眼訓.......

我見佢訓, 同佢剪兩邊d 頭髮, 剪咗一邊, 佢係都唔肯轉另一邊, 就算我擰佢個頭, 佢都轉番o個邊......

 ************************************************************
呢個係阿施送既~

呢套係個客 JODI送既, 放o係婆婆度用

我最鍾意呢套, 係師兄同vanesa 兩公婆送既, 留番屋企用

ESD LIFE 1001 BB GATHERING@5.30.10

好開心成班o係 ESD LIFE識既朋友可以一齊出嚟 GATHERING,
大家由剛剛 CHECK 到有咗, 到分享毎一個產檢, 邊度有 BB用品大減價, 再講吓屋企個大老闆.....再到後來好似玩馬拉松長跑, 睇吓邊個先跑出咁一齊跟進.....好開心, 好似大家係 BUDDIES, 一齊努力。

有好多媽媽都係第一次見, 有d 成日放相o個d 就認得d, 雖然返到屋企時我成個日好似散哂咁, 我都好開心同好期待再下次既 GATHERING

好多謝d 媽媽去問sponsors, 今日收到好多野, yeah~