山頭火 - 湯底唔錯, 麵質彈牙

湯底唔錯, 麵質彈牙
 
今日除夕，早放工過咗太古城接老公，

行咗一陣老公話想食呢間拉麵

佢話平日都好多人, 啱啱行到見到6：30 已經人頭湧湧
好啦, 試吓先~

 



**6：30 已經人頭湧湧**

一路等位一路睇定有乜食,

兩公婆都揀咗辣麵豉拉麵

見咗個餐牌, 個忌廉蟹薯餅好似好好味咁

又叫埋

 

 

**個半熟蛋都唔錯架, 盛惠$15**

 

食物質數唔錯, 如果唔多人的話我係會再嚟

請我都唔會再食既糖水

請我都唔會再食既糖水

話說我早放工, 心痕食糖水當tea
喺太古城大食代有糖水吔,
叫咗個蛋白杏仁茶,
睇住佢倒啲蛋白入去, 加杏仁茶,
埋到位, 啲蛋白仲未熟,架.......
yuk!

**賣相已經唔吸引, 仲要唔好食**

X'MAS MONTH - 朗朗生日月之一: 切蛋糕

X'MAS MONTH - 朗朗生日月之一: 切蛋糕

毎年幫朗朗切蛋糕都幾乎要後補
今年如是喎....

今年要成12 月29 日先切蛋糕
仲諗住姨姨舅父都無份添....
點知, 原來同公公婆婆食完晚飯後,
佢哋返哂嚟, 咁齊人同佢切蛋糕, 佢好開心呀

可以睇到小晞都好開心呀~
見到朗咁高興, 做阿媽真係最 LIKE 啦
**有無留意我有彈 UKULELE 為佢助興架**

**原先想整個俾佢, 點知我唔多舒服, 只能買現成**



**儍豬朗**




**儍豬吹蠟燭**

車隊聖誕放題

車隊聖誕放題
小天使食評
 
老公同佢車隊班 FD 識咗咁多年,
一直都 KEEP 住間中出嚟食吓飯, 吹吓水,
而我老公亦由跛腳車手變成一個兩子之父
 
是日, 佢哋揀咗嚟呢間食放題,
老公之前同啲舊同事食過話抵食
仲話我一定好啱
眼見佢咁期待我既感覺,
心度已經甜咗出嚟啦......仲駛乜食.....
 
小晞喺我哋就出門口前發燒到38.8度,
唔敢再帶佢出街吹風,
唯在麻煩婆婆幫手睇一陣

**朗朗咁樣著巧型仔喎**

 
一行8大一小,
付應姨姨話細路唔計....
咦....咁咪慳返百幾, 原先仲諗朗朗去實蝕,
唯有靠小晞呢個無限進食肚打均,
最後唔駛錢, yeah~



**朗朗由小巴訓到都未醒**

**叫餸紙**

 

**叫餸紙**

我哋8 個人, 送兩板海膽
hahaha 可能唔駛錢, 好似特別好味,
當然不能同出面成兩舊既相比,
但質數唔錯架

**毎4人送一板, 都唔錯架**

剌身:
甘海老 - 好鮮, 但要自行去殻
海花螺 - 好好味
三文魚 - ok
吞拿魚 - 赤身, 我覺得唔好食, 但亦有人話好味
劍魚腩 - 我開始鍾意食, 好鮮, 唔腥架, 好滑
鯛魚 - 好爽口
希靈魚 - 底有啲魚子, 魚肉有啲似秋刀魚
馬刀貝 - 有啲似象拔蚌, 好彈牙, 有鮮味
貝柱 - 仲以為係小帶子, 感覺似食無乜味既江搖柱

**啲刺身都好新鮮**

卷物:
- 由於我唔食紫菜, 無食過

壽司:
三文魚 - 質數同剌身一樣
火灸三文魚 - 唔錯喎, 不過厚身啲好啲
天使蝦 - 蝦幾彈牙, 好爽, 不過同舊飯一啲都唔夾既, 各自分開.....

飯 / 麵:
宫崎牛肉烏冬同佐賀牛肉拉麵基本上除咗麵唔同
係無分別既

 

**真係所謂既換湯不換藥**

和食:
煮牛腸 - 好似食牛雜, 但啲牛腸唔 "蘇", 好香口同爽口喎
黑豚生姜燒 - 啲豬肉有少少 "蘇" 味

 

**睇已經唔想食**

**牛, 都OK 既**

**豚肉....有朕蘇味**

燒物:
鹽燒雞翼 - 好香口, 無落難頂既七味粉醃, 只有鹽, 唔錯
鹽燒牛舌 - 超讚!!!! 燒得好香口, 乾身得嚟唔係硬, 仲有juicy 既感覺
鹽燒錆魚 - 又一力作, 唔腥, 香口有魚汁
鹽燒海蝦 - 不過不失
日本冬菇 - 勁乾身, 見到都唔想食
鹽燒豬腸 - 勁香口!!! 我連食兩串!!

**乾到阿媽都唔認得既冬菇**

揚物:
芝士年糕 - 食唔到....但個樣好得
炸蝦天婦羅 - 老公話好味
日本蕃薯天婦羅 - 同朗朗講話係 FRENCH FRIES.....但佢話唔係, 唔肯食
炸魷魚鬚 - 幾香口

雪糕:
是日只有雀巢既紅豆 / 芒果 / 朱古力揀
朗朗食咗朱古力
我同老公食紅豆, 又幾好味喎

是日汽水任飲

**今日俾佢自己飲一罐汽水, 睇吓佢幾得戚**

埋單位位 $250 已包加一, 我又覺得ok 喎~
可以再試

朗朗游水進度 - 自由手

朗朗游水進度 - 自由手

唔經唔覺, 朗朗已經開始咗練習兩邊自由手
仲見到佢被阿sir (朗哥哥) 叫佢自己喺一邊練
哈, 又有板有眼喎
有啲野真係等人教先會得
希望佢樂在其中啦

**朗哥哥叫佢喺一邊自己練習**

**真係好努力架喎**

X'MAS MONTH - 朗朗生日月之一: 肥叔叔屋企收禮物

X'MAS MONTH - 朗朗生日月之一: 肥叔叔屋企收禮物

話說12 月27 我同偉雄去醫院見醫生,
姨姨話坐鎮幫我睇仔,
最後佢問我能否帶朗朗去肥叔家,
哈, 朗朗ok 咪得囉~

佢就巴閉啦, 請埋去屋企食飯,
有得食, 又有得拎
最後, 係我哋唔想再買多舊咁大既 CARPARK.....就係嗰舊係禮物
朗朗梗係勁 HAPPY 啦

**自己飲湯?"

**有叮噹巴士**

**　　　　　









 


 




**朗朗曉自己影相WHAT'S APP俾姨姨**

公公手術無得再拖啦

公公手術無得再拖啦

大約十年前, 公公已經被要求要做心瓣手術
當時佢唔制

到2007 年, CHECK 到佢心水線有個腫瘤
做咗切除手術, 確疹為 CANCER
做咗一系列電療....難為當時人同婆婆
以為暫告一段落

到今年, 醫院打咗俾我,
話check 到佢個肺有陰影, 要做啲詳細檢查
睇吓會否番發
後尾check 咗無事, 但葛量洪要check 清楚啲血

11月尾已去咗一次,
話佢啲血色素低, 係胃出血

12 月尾再嚟,
今次不能 CHECK, 因個數值唔啱不能去check
call 咗我哋去見醫生,
醫生話, 佢個心已 OVERLOAD, 一定要換心瓣,
唔做最 WORST 只能頂 1~2 年
仲要呢四個月內要做

表面上我梗係話好小事, 無事既
唉.....查實我好擔心........

我可以做啲乜.........

自古成功在嘗試

自古成功在嘗試!!
我自少已明白呢個道理,
雖然個心都覺得咁樣好浪費金錢,
但唔努力過, 又點知自己錯啲乜, 下次會成功架嘛~

**整包包**

 

 

**嗰時天氣已經唔係凍, 我拉唔到薄膜**

**但發到酵架**

**我又係衰既, 扔低舊粉就落街食飯,
你睇吓發到儍咗咁**

**滾圓, 但最後個包好似石頭咁硬**

**曲奇**

**另一勁料, 變裂既牛油**

奶香餅+朱古力餅

奶香餅+朱古力餅

原先諗住整糖心曲奇OR雲石曲奇俾小朋友食,
屋企明明有舊牛油架嘛,
天氣咁凍, 我攞出嚟加埋上次用剩嗰舊,
用剩嗰舊喺咁凍下都有少少軟,
但未用過嗰舊.....好似石頭咁硬, 仲裂開添
都係扔咗佢算, 費事食壞小朋友

屋企無牛油.....
摷哂啲良譜, 喺CAROL 本書度搵到一款小餅,
好易整喎, 我仲自行加多個朱古力版


**低粉**

**隨量加咗約10G 朱古力粉**

**原味版, 我除咗用煉奶外, 無跟佢加奶20CC, 只加咗水**

**出爐好似燕麥餅....好似嗰啲健康餅, 又無奶香, 睇嚟我要加奶**

**朱古力太厚身, 下次要轆薄啲**

**毎位小朋友都有一小袋**

 

 

奶香餅食譜:
低粉100 g (朱古力版加咗約10G 朱古力粉)
糖 g
鹽 1/8 t
olive oil
水
煉奶

1. 先將粉過篩, 加糖, 鹽
2. 再加水/ olive oil / 煉奶
3. 搓成無粉粒麵團 
4. 放入一個透明膠袋, 轆平, 用膠袋佢能有一個角
5. 雪約半小時 (我只雪咗15MINS, 唔知係咪咁唔夠脆)
6. 預熱 120 度
7. 剪袋, 切開成一條條, 如不易拎, 可再雪15MINS
8. 入爐, 約12~15 MINS
9. 奶香我焗咗12MINS, 朱古力15MINS

**老公話唔夠脆, 下次要雪耐啲, 睇吓關唔關事**

法式蛋白小餅 (Meringue)

法式蛋白小餅 (Meringue)
 
第一次整人家既芝士餅成功
心紅又試吓蛋白小餅,
諗住整嚟喺 honey 既 x'mas party 度俾啲小朋友食
食譜話要蛋白同糖 1:1, 我見有人 cmmt 話太甜,
建議 1:0.5....咁我諗住諗吓 1:0.8
點知.....仲係甜到儍.....我下次會減到1:0.5
 
不過, 由於我個爐最低只能 110度, 我真係不斷CHECK
出到嚟都仲係小小啡色
我已經分咗三層咁焗, 試圖令到因為多層而令個爐溫減低,
但係都仲係咁.....
唔通下次我要蓋錫紙?
 
仲有, 人哋用花咀整到好靚,
啲線條好出, 但點解我一 pat 既....
係咪啲蛋白打得唔夠??
但我打時已經有尖峰架啦喎


**食譜話糖同蛋白要1:1, 我改為1:0.8**

**落咗少量 lemon juice**

 

 


**蛋白**

 

**蛋白打起** 

**我用唧咀整, 但係一patpat, 好醜怪**

 

**由於我個爐最低只有110度, 我試吓分三層會否好啲**

 

**呢層已經啡咗**

 

**好似加咗啲朱古力咁**

 

**第二層再淺啲**

 

**幾有SUNTAN 感覺**

 

**最衰手痕, 仲乜鬼放高一層啫.....**

 

**又曬黑埋**

 
法式蛋白小餅 - fb 食譜
 Recipe:
 材料：
蛋白 3隻 (先量好蛋白的重量，再量砂糖)
砂糖 = 蛋白的重量 (比例1:1)
檸檬汁 一小匙
雲呢拿油(vanilla extract) 少許
橙/青檸/檸檬zest 少許（可省）
 
做法：
1. 蛋白中加檸檬汁和雲呢拿油, 電動打蛋器高速打至出現大泡泡
2. 倒進約1/3的砂糖, 繼續高速打
3. 打到泡泡變得密密的鬆鬆的, 再加1/3的砂糖繼續打
4. 打到幾乎看不到泡泡了, 把剩下的砂糖倒進去, 轉中速打
5. 拿起打蛋器, 蛋白霜呈尖峰狀, 又微微的向下彎, 就OK了
6. 將蛋白糖霜用有花嘴的擠花袋擠出漂亮的花型
7. 灑上橙/青檸/檸檬zest
 
8. 進預熱90C度焗爐中, 烤約1個多小時(烤到表面酥脆)PS:
* 打蛋白整個過程大約三分鐘左右
* 在烤的時候一定要不時的去看看表面是否焦掉, 畢竟糖霜蛋白餅的特色就是雪白