星期一去咗廣華做婦檢, 對上一次去做已經係啱啱有咗時, 今次醫生話我婦科OK, 但甲狀腺有 D 事, 叫我去CHECK....我話已經BOOK 咗私家啦.....去排, 要到後年3月7 呀
之後去私家, 醫生叫我唔駛擔心, 無事既, 好小呢個位置會出事, 同埋話如果做手術其實都幾無謂.....同我抽咗3支血水出嚟, 再抽咗中間粒硬野去化驗, 第二日會知結果。
第二日收到姑娘電話, 開頭話乜野睇吓做唔做手術....嚇死我咩, 佢最後話我個結果同上一次一樣呀~
仲有, 我呢日去埋蒲崗村道運動場既兒童遊戲室, 同朗朗玩, 佢好開心呀
10 月2 日我哋去咗一田, 特登帶佢同自己合照....因為早前參加過一田o係 facebook 既比賽, 多謝咁多朋友姨姨叔叔既支持, 嬴咗....
朗朗應該高72CM (3CM TOL 呀, 因為佢係咁郁), 重就21.12 LBS 呀
今日去咗數碼港, 同朗朗參加爬行大賽。之前呢個比賽叫 BB 著動物裝扮, 但我早兩日去花園街行, 實在買唔落手呀, 算啦, 著番蜘蛛俠算啦....
數碼港真係好鬼遠, 要先去銅鑼灣再轉VAN 仔去, 去到剛剛夠鐘, 成班網友等埋我先登記, 原來根本唔駛理個時間.....
我哋幾個一齊玩, 今次帶埋隻藍色狗仔, 雖然開步慢 D, 但總算完成到...我當WIN 咗架啦~
http://www.youtube.com/watch?v=GUOyWGplDzA
今日係第三日啦, 之前一早同咗阿姐講會帶朗朗返嚟食晏, 阿姐想我返公司食。
朗朗今日成 10 點幾先起身, 我已經晨早叫老公煮定粥, 吼佢未醒時先洗定頭, 搞掂哂野, 佢一醒我就差唔多 READY 哂, 開定YBCR 俾佢睇, 等佢見到我O係佢面前搞 D 肉肉。
餵完佢都差唔多11點, 我睇完昨晚既 "公主嫁到" 先出門口, 去到老公樓下等佢帶朗朗上去 SOCIAL 吓。老公話佢o係上面係咁拍手喎.....我哋一齊上我公司, 個個抱都無野喎, 係katie 抱就喊, hahahahaha
之後我去咗尖沙咀, 先行 h & m, 再去海港城, 約早前 esd life 個網友 agnes, 佢俾 d 奶粉我....真係唔好意思, 我都無得回 d A+ 俾佢。
再去咗 UA JOIN 佢個會, 再去佐敦護協...佢竟然無開.....OMG
朗朗呢個時候已經訓咗, 再行去翠華HIGH TEA, 食完先醒, GOOD BOY!!
我去到永安已經攰到痴咗線......老公嚟永安接我走, 笑我之前仲想去埋太子.....
今日係第二日, 個豬仔吼爸爸出咗門口, 先要食奶, 簡直係玩野!!!
朗朗掃咗我床頭上邊既 "雙喜" candle, clock, 擺設, 真係俾佢激死。我放番佢o係bb 床, 佢又自己爬起身, 之後仲自己唔夠力坐番o係床, 塊面撞到個床邊, 大喊啦.....我話佢, 係你唔乖, 先整到架喎, 佢好似知d唔知d 咁, 又收聲喎....(相信只係我做媽媽覺得個仔識啫)
無時停, 除咗已經識徒手爬上個梳化頭枕之外, 仲好似人哋玩單槓咁fing 吓 fing 吓對腳, 仲要望住我笑.....我o個吓又想噴泡又想大笑
昨天出咗去, 今日就去鳳德算啦, 所以推咗bb 車, 無咁攰, 仲可以去大家樂high tea, 唔駛怕佢搞到我食唔到, 原來大家樂會幫你攞野架, 可能佢見我推bb 車啦~
番到屋企, 同朗朗沖沖吓涼時老公返, 朗朗見到爸爸個頭佢即刻成日人企o係度要扭爸爸呀, 真係 super fans 呀~
我即刻嗱嗱林出去返瑜伽, 放學時老公接我, 同理玲玲去食飯, 佢又幾跟玲玲喎~仲同後面個黑人打招呼添呀
由於娘親同爹爹要歐遊 8 日, 我要放假揍朗朗, 係除咗放產假後第一次又長時間揍朗朗啦....
之前婆婆講揍朗朗好似看牛仔咁....開頭都唔信, 現在相信可能由於我細個都係好頑皮既關係, 我覺得點止看牛仔呀, 直頭係看馬騮仔啦
明明早上佢訓咗, 行開一陣啫, 佢可以轉身咁碌咗落地, 心痛死我.....
下午等佢食咗奶, 我就同佢去咗樂富uny 行, uny 細咗, 行到返屋企都好鬼死攰架。朗朗去到邊, 都有好多人讚佢得意, 咁我覺得你哋係 sales, 梗係讚佢架。後來見有個 c9行過都讚佢, 我開始有d洋洋得意.....
今日叫老公去買餸...唔係自己呀, 我係做全職媽媽咋, 唔係全職家庭主婦嘛, cccc
昨晚同埋 AMC & 老公 / FE / LOLETTA / EMILY/ 小包包 / MM & 軒軒 / CONNIE / KIMMY / CREAM 一齊食飯, 好開心呀, 成班 jm 傾吓傾吓成兩個幾鐘
超級開心呀~
朗朗就嚟 9 個月大啦, 時間真係過得超快呀.....
呢輪唔知點解個心有 D 忐忑不安, 感覺到佢大咗好多, 但好似唔係點幫到佢....
佢現在已經可以爬啦, 自己由坐o係梳化而唔駛人幫自己扶野企好, 又識好似掛爐鴨咁吊o係個頭枕...見到我地識叫人 (其實只係大叫), 識得講 babubabu, momomama...., 你同佢玩 gimme five 佢會打開手俾你
係食粥開始玩野囉, 食吓玩吓咁
不過佢又真係好鬼得人鍾意, 尤其係見到識既人就識笑....又鍾意睇我教佢學字, 次次都好開心架, 又鍾意聽我唱歌......呢 d 係我先咁對佢....好似我同佢之間既親密關係.....
仲未識hihi byebye, 但你去掠衫佢會對住你笑, 學我咁攞起d毛巾好似想俾我咁, 我讚佢乖佢好開心咁笑呀
早排訂咗套 "yr baby can read", 其實之前一早想買, 見網友 FE 想買, 就一齊買咗。見有本 "the parent's guide", 打開咗, 全部英文仲要細字....唔係咁想睇....但都要略睇吓....
starter - for 第頭一個月, 毎日睇兩次....我現在毎日陪住佢睇, 佢毎次睇就係咁笑....我呢幾日成日同佢玩 "ARMS UP/ARMS DOWN", 佢毎次俾我一擧佢隻手就好開心
聽親歌又好留心咁聽喎
原本有諗過放o係阿媽度, 但諗諗吓都係唔好啦, 我想 d學習時間係留俾我嚟教朗朗
我唔期望佢變成一個好勁既人， 只係想將我俾到既野俾佢。
今日老公又覺得婆婆抱得朗朗太多, 朗朗仲係 BB, 佢見有熟人梗係個人 "中" 向前, 而扭抱架啦, 咁婆婆見親又想抱, 都好正常啫。
人哋爸爸就唔多鍾意.....仲o係 facebook 度咁寫...
真係俾佢激死.....
佢 d 負能量實在太強, 我 d 正能量都唔知頂唔頂到添....我要加油呀
上星期日, 我 62 通常都會o係星期日過嚟食 lunch, 主要係見吓個孫., 我都無所謂, 只要事先打個電話過嚟就得啦.....(因為已經試過唔打就中咗上嚟, 當時我未訓醒, 未帶 bra.....)
佢竟然餵朗朗飲奶茶....我當堂呆咗, 大佬, bb 未夠 yr 1 點可以飲大人飲得既奶架, 仲要係加工過架, 又有茶又有糖, 當時老公已經同咗佢講唔好, 佢仲話少少唔緊要.....
我已經唔同佢計較佢身上啱啱煲完煙既三手煙味, 可唔可以錫個孫多 d....
我同老公講, 我既忍受就嚟去到儘頭, 換著o個個係我爸爸媽媽, 佢實出聲話鬼咗佢地, 我無出聲係尊重佢.....(我已經暗示佢唔尊重我.....但我相信佢唔會 feel 到)
朗朗終於爬出第一步啦~昨晚放佢o係地, 佢好似 d 軍人咁用手爬, 借力拉個人向前, 超搞笑 
之後都有郁吓腳仔咁, 不過仲未係好順囉.....最頂癮係佢對自己既玩具無隻狗仔既玩具咁有興趣......
又一次事實證明, 當我個心諗點解個仔咁耐都唔識 xxx 既時候, 朗朗就識, 呢輪我成日諗點解朗朗既媽媽咁耐都唔中六合彩....佢媽媽應該就快.....
毎逢星期六日呢兩日, 又係我毎個星期最期待既日子, 可以全日 24 小時見到佢朗朗
通常早上第一餐奶由爸爸餵 (8:30~9:00), 之後爸爸就唔訓, 用電腦, 而我就會沖出去煲落粥先, 再訓......之後我會捉朗朗一齊訓。佢就會扭幾吓再訓.....
到11:xx 我就醒, 加肉肉落粥, 而爸爸會去買早餐, 我地會快手食完, 無耐朗朗就醒架啦, 咁就係佢第二餐, 即係粥粥
玩一陣, 又訓陣, 再食第三餐奶
通常會訓陣, 唔訓我地會去食tea
之後上婆婆度食晚餐, 同時朗朗食第四餐, 又係粥仔。如果星期日就留o係屋企
返得屋企都11:xx, 又食奶啦....
雖然人人都話揍bb 好辛苦, 但我同老公倆個都好開心呀, 現在放朗朗坐o係梳化, 佢見到你時會雙手向住你, 作勢要爬過嚟, 當然佢未識啦, 佢會 gut 個patpat 仔過嚟, 真係 lum 死呀
今日收到美素佳兒打嚟,
佢問我現在食幾多糊仔
我話現在食兩餐, 咁佢就話唔好俾兩餐喎
到佢食粥仔就SKIP 咗糊仔啦
咁我講, o係婆婆度就 2 餐粥仔,
o係我度就 2 餐糊仔
同埋我話覺得個囝食咗固體後佢食奶食少咗
佢話係會咁, 因為糊仔香口d, 所以可以既話食粥會好 d 喎
(真係唔明, 明明自己有賣糊仔, 竟然sell 我唔好食都有.....)
佢話食糊仔主要係俾佢習慣吞野,
之後都要儘量食粥仔好 d 喎 (同健康院 d 姑娘講既一樣喎)
我有問佢有無糊仔sample 送or 寄coupons
佢話暫時未有喎
都係媽媽唔啱......
昨晚老公去咗踼波, 同朗仔玩枕頭玩得太 HIGH, 隻指甲唔小心整到佢塊滑滑既面珠, 即刻狂喊, 好唔容易先氹得番佢笑番
無幾耐爸爸打嚟話叫我煮野, 我只係離開張梳化 5 秒入咗廚房, 就聽到 "啪" 一聲, o個半秒我o係度諗都好細聲, 唔會係碌咗落地啩....點知一衝出去, 見到你成個人仔訓咗o係地下, 好彩有個枕頭咁啱墊住個頭仔 (可能係朗朗當時打側身想攞隻枕頭連住既雞仔, 所以跌落地時都拉住一齊落地) 我真係個心都跳咗出嚟呀, 好肉尺....見你o個 d 豆大既眼淚, 真係心都痛埋
朗仔下面兩隻門牙都出齊啦, 上面就好似想出, 但又未出咁.....
昨天返屋企食飯, 我開緊枱,
我想將個囝放番落 high chair, 點知我阿媽話張high chair 太熱
擺佢o係梳化好過,
咁我話擺佢o係梳化, 佢實會反來反去, 整親點算,
我阿媽話搵人坐o係隔離囉,
但係飯枱同梳化有一段距離架喎, 你坐呀, 佢話係....
我即刻話鬼佢, 食飯要坐番飯枱, bb 現在睇慣,
遲d 又有樣學樣, 食飯要坐梳化唔乖乖咁坐o係飯枱仲得了
我阿媽話到時會教, 吓, 你都唔身教, 佢點會乖呀
**當然我個仔呆咗咁睇住我 "教" 婆婆**
我知我係大聲咗, 但我o係度佢都咁, 唔o係度點算呀?
有時知佢係錫個孫, 但都唔可以咁架....佢後尾o係我同阿妹嚴密監視之下, 用 9 秒 9 食完碗飯....平日睇電視撈飯都無咁快
自從老公份工唔續佢約之後, 佢就心情低落, 搵咗差唔多兩個月, 都係去番 KEN 度做。
佢話呢份工已經少咗成 3 千蚊, 但係呢份工係會出去做野, 咁都可以一路做一路搵呀
今日同我講, 做咗 3 日就頭痛足 3 日....我聽完真係好DOWN....我已經覺得好大壓力架啦, 又要供樓, 現在囝囝出世又多咗駛費, 唔出街唔食都要駛一大筆錢。之前呢份工其實o係上個月已經話請佢, 佢又唔想做....現在叫佢做又好似好委屈佢....但無錢供樓時邊個幫我呀?
佢個人成日鑽牛角尖, 上個星期公司宣佈加 5% 人工, 咁我講起, 話現在份人工俾我十年前剛好一個double。佢聽完又呻......又唔知佢係真定假, 唔通乜都唔同佢講咩, 但講乜都好似死得咁......我個心頂住頂住好唔舒服
佢又鍾意買好野, 用好野.....毎次 now vs cable, 我有成年就要兩邊俾錢。佢娘家 speakers 壞咗就攞咗屋企個, 佢又要買過個新野。聽歌要用靚 HEADPHONE.....講緊係2千幾架。又話要買張床俾個囝.....又要買張梳化.....我已無錢架啦, 仲想點呀。
有日又無啦啦話下一個俾佢阿媽揍....激死我, 我話, 我諗住再生先算
成日諗到o個樣就想即刻做o個樣, 又唔諗吓我既感受。話就話我係老婆, 乜都講得, 但有 d 野講咗出嚟我會好唔開心架喎..... 點解佢成日都咁灰架, 我幾陽光都驚唔夠照佢......
HELP!!!
之前一路都俾個 d CHECK POINTS 自己去餵人奶, 本來一路都諗住過咗 6 個月, 早晚都照泵架, 點知我覺得個身體話過我知唔得咁 (唔知其實關唔關心理作用事?)
一路都有帶個泵返公司泵, total 一日泵 3 次
但由於有客到, stay o係度成個月
其實之前都試過o係 toilet 泵,
但現在少咗好多, lunch 泵得一安
所以我放棄o係公司泵啦
月頭唔知係咪個客嚟辛苦得滯, 咁啱自己又病咗, 唔敢俾個囝食
好返dd 泵番, 奶量少咗一半....又唔知關唔關剛剛嚟番m (產後第一次)
現在早晚, total 都唔知有無4安
我上個月仲係早餐+宵夜, 呢個月頭變成宵夜餐
現在兩日先有一餐.....
諗到聽你講, 一日只泵一次....睇吓會點但我有日全日都唔泵 (其實我現在都係早晚泵一次)
第二日谷到好行......一沖涼即漏奶.....
現在個仔既 SCHEDULE 如下:
0700 - 6安 - 老公餵
1100 - 糊仔 + 奶 - 開 7 安奶, 落 2 安入糊仔度, 糊仔落 2 湯匙 (不過婆婆話佢有時分兩次餵, 有一次o係1900 o個餐)
1500 - 7 安奶
1900 - 7 安奶 or 婆婆俾埋一半份量既糊仔
2340 - 6 安奶 (我正努力推早 d, 希望可以做到2300.....)
個豬仔之前明明食完 1900 o個餐, 通常玩到2030 左右就扭訓, 呢輪唔知係咪想陪爸爸睇波, 成日 2130....呢兩日仲 2200 都唔訓, 都唔知佢想點
呢幾日同 d 網友傾開, 都講起無論我地點堅持, 去到 d 老人家度就無哂符.....真係好啱呀.....
公公婆婆
- 同佢講剛開始餵糊仔先餵一餐, 現在只係開始咗個幾星期, 佢將同一份量分兩餐, 仲要 1100 同 2100, 咁我星期六日又咁餵咩, 我唔想搞到個囝亂哂
- 叫咗佢唔好解條片俾個 b 去殊殊同砵砵, 佢又唔聽, 係都要.....我知佢係為我好, 想幫我慳d錢, 但我個囝唔輕架嘛, 佢年紀又唔輕, 又成日話腰骨痛
- 叫咗佢唔好抱住個b um 佢訓, 佢話bb 要咁先肯訓, 唔抱會扭。OMG, 我o係屋企都唔駛抱住 um 佢訓既, 叫極都唔聽
爺爺嫲嫲
- 叫老公同佢地講洗咗手先抱, 62 一句, 你地細個咪又係咁....大佬呀, 你o係樓下煲完煙先上來, 我唔想個仔食 3 手煙呀
- 餵奶就唔好同佢玩啦, 我 99 都係咁叫我 62 唔好撩佢, 等佢食完先, 但62 係咁......
- 個囝訓咗, 99 係咁用手搞佢塊面要整醒佢同佢玩.....
我老公成日 ee umum 我阿媽, 我激鬼氣咪o係我老公一個人面前係咁話 6299
上個星期收到 HUGGIES 寄咗份野俾老公, 有兩張學習褲 COUPONS 同一片試用裝。
佢張 COUPONS 只限中碼, 但係我個仔仲未試爬, 之前用學習褲試過漏尿呀, 我想留番遲 d 用又唔得, 佢大得咁快....
朗朗現在 4 個半月大, 生活習慣又唔同咗好多:
- 仍然食 5 餐, 第一餐仍然係3~5安, 中間 3 餐上個星期有時食到8安, 但現在又食番 7 安。臨訓o個餐頭2~3安好順利, 當你想放棄唔餵時佢又食埋, 但要搞好耐先食完 total 4~5安。
- 明明想佢早 d 訓遲 d 起身, 但呢期佢又6 點到醒.....最後o個餐又唔飲得多, 又耐, 明明早咗餵佢都要搞成個鐘, 最後又遲咗訓
- 超爛玩, 食飽時鬼打咁精神, 係咁玩跳跳虎
- 開始認得人, 公公婆婆見佢最多, 佢一見佢地就會笑。佢好細已經成日望到爸爸就笑, 至於我, 見我跳舞俾佢睇就會一郁手郁腳, 同埋知我唔多抱佢, 所以只係扭佢地抱而唔多扭我抱
- 又會訓訓吓喊....明明少咗, 呢輪又多番
- 6m 既衫開始緊, 著 9 m 有少少鬆
- 識得自已反到打側身, 如果你用少少力按佢個肥脾, 佢會自己用上半身既力打側身到趴o係度, 同埋個頭好高吓
