身在福中要知足

o係今個星期一 (8/23), 有一班香港人去咗菲律賓玩, 點知俾一個被炒既警察挾持繼而殺害.....雖然有人好彩無事, 但親人亦離開咗佢....

呢件新聞, 我只係一個外人, 尚且毎睇一次喊一次, (又俾老公話鬼)唔明點解當地政府咁冷血.....

睇完呢單新聞, 我隨隨望吓老公, 望吓個仔, 覺得, 我係一個好幸運既人, 俾到我可以嫁到我最心愛既人, 生到一個咁可愛既仔, 一齊生活, 我要好好咁珍惜毎一秒

唔係人人都有呢種福氣, 雖然我無宗教信仰, 但我個心會希望在生既人要振作, 係好難架, 但你既振作係對離開既人既愛

正能量必勝

今日老公又覺得婆婆抱得朗朗太多, 朗朗仲係 BB, 佢見有熟人梗係個人 "中" 向前, 而扭抱架啦, 咁婆婆見親又想抱, 都好正常啫。

人哋爸爸就唔多鍾意.....仲o係 facebook 度咁寫...

真係俾佢激死.....

佢 d 負能量實在太強, 我 d 正能量都唔知頂唔頂到添....我要加油呀

 

上星期日, 我 62 通常都會o係星期日過嚟食 lunch, 主要係見吓個孫., 我都無所謂, 只要事先打個電話過嚟就得啦.....(因為已經試過唔打就中咗上嚟, 當時我未訓醒, 未帶 bra.....)

佢竟然餵朗朗飲奶茶....我當堂呆咗, 大佬, bb 未夠 yr 1 點可以飲大人飲得既奶架, 仲要係加工過架, 又有茶又有糖, 當時老公已經同咗佢講唔好, 佢仲話少少唔緊要.....

我已經唔同佢計較佢身上啱啱煲完煙既三手煙味, 可唔可以錫個孫多 d....

我同老公講, 我既忍受就嚟去到儘頭, 換著o個個係我爸爸媽媽, 佢實出聲話鬼咗佢地, 我無出聲係尊重佢.....(我已經暗示佢唔尊重我.....但我相信佢唔會 feel 到)

朗朗終於爬出第一步啦

朗朗終於爬出第一步啦~昨晚放佢o係地, 佢好似 d 軍人咁用手爬, 借力拉個人向前, 超搞笑

之後都有郁吓腳仔咁, 不過仲未係好順囉.....最頂癮係佢對自己既玩具無隻狗仔既玩具咁有興趣......

又一次事實證明, 當我個心諗點解個仔咁耐都唔識 xxx 既時候, 朗朗就識, 呢輪我成日諗點解朗朗既媽媽咁耐都唔中六合彩....佢媽媽應該就快.....

BB 展 2010

早排上荷花個網 apply 咗張免費飛同一張減 $5 既coupon, 所以day 1 我就同老公去

我攞咗2個鐘假出發, o係灣仔 join 老公, 食咗個 tea 後就去啦.....

今次本書仔竟然要收 $5, 唔怪得咁多地方都送減 $5 既coupon 啦.....今次我醒啦, o係公司print 定哂 d sticker, 去都係咁黏上去

我負責排長龍, 老公打遊擊, 不過由於我地遲, 好多紀念品都無哂嚕

係呀, 今次我地見到 fisher 個 counter 有隻斑馬仔好得意, 不過我地都忍手無買.....

 

朗朗識 "拱" 過嚟啦

毎逢星期六日呢兩日, 又係我毎個星期最期待既日子, 可以全日 24 小時見到佢朗朗

通常早上第一餐奶由爸爸餵 (8:30~9:00), 之後爸爸就唔訓, 用電腦, 而我就會沖出去煲落粥先, 再訓......之後我會捉朗朗一齊訓。佢就會扭幾吓再訓.....

到11:xx 我就醒, 加肉肉落粥, 而爸爸會去買早餐, 我地會快手食完, 無耐朗朗就醒架啦, 咁就係佢第二餐, 即係粥粥

玩一陣, 又訓陣, 再食第三餐奶

通常會訓陣, 唔訓我地會去食tea

之後上婆婆度食晚餐, 同時朗朗食第四餐, 又係粥仔。如果星期日就留o係屋企

返得屋企都11:xx, 又食奶啦....

 

雖然人人都話揍bb 好辛苦, 但我同老公倆個都好開心呀, 現在放朗朗坐o係梳化, 佢見到你時會雙手向住你, 作勢要爬過嚟, 當然佢未識啦, 佢會 gut 個patpat 仔過嚟, 真係 lum 死呀