朗朗偷 "柑"

朗朗昨天跟婆婆去買餸,
俾 d 老闆發現佢o係度食柑仔.....
原來佢趁婆婆買生果時tart 咗個柑
佢仲連皮食咗幾啖呀

廣華婦檢 + 甲狀腺覆診@10/25/10

星期一去咗廣華做婦檢, 對上一次去做已經係啱啱有咗時, 今次醫生話我婦科OK, 但甲狀腺有 D 事, 叫我去CHECK....我話已經BOOK 咗私家啦.....去排, 要到後年3月7 呀

之後去私家, 醫生叫我唔駛擔心, 無事既, 好小呢個位置會出事, 同埋話如果做手術其實都幾無謂.....同我抽咗3支血水出嚟, 再抽咗中間粒硬野去化驗, 第二日會知結果。

第二日收到姑娘電話, 開頭話乜野睇吓做唔做手術....嚇死我咩, 佢最後話我個結果同上一次一樣呀~

仲有, 我呢日去埋蒲崗村道運動場既兒童遊戲室, 同朗朗玩, 佢好開心呀

9 個月既朗朗重21LBS

10 月2 日我哋去咗一田, 特登帶佢同自己合照....因為早前參加過一田o係 facebook 既比賽, 多謝咁多朋友姨姨叔叔既支持, 嬴咗....

朗朗應該高72CM (3CM TOL 呀, 因為佢係咁郁), 重就21.12 LBS 呀

 

Smart Kids' club (BB 爬行賀國慶) 爬行大賽@10.3.10

HAHAHA, 又幫朗朗報埋將軍澳既爬行比賽, 今次我叫埋爺爺去,朗朗今次同 ETHAN 同場呀~

呢個比賽好搞野, 有 D BB 識行識走.....我覺得似係一個 PROMOTION EVENT 多 D......

朗朗有2次經驗, 今次可以小組第一名呀, HOHOHO

 

 

國慶 BB 爬行大賽@數碼港 10.1.10

今日去咗數碼港, 同朗朗參加爬行大賽。之前呢個比賽叫 BB 著動物裝扮, 但我早兩日去花園街行, 實在買唔落手呀, 算啦, 著番蜘蛛俠算啦....

數碼港真係好鬼遠, 要先去銅鑼灣再轉VAN 仔去, 去到剛剛夠鐘, 成班網友等埋我先登記, 原來根本唔駛理個時間.....

我哋幾個一齊玩, 今次帶埋隻藍色狗仔, 雖然開步慢 D, 但總算完成到...我當WIN 咗架啦~

http://www.youtube.com/watch?v=GUOyWGplDzA