產假只剩下一個星期

現在係凌晨時分, 剛剛泵完奶, 老公又餵完曉朗, 咁啱撞正阿仙奴, 咁我就寫吓 blog 先。
仲有一個星期就要返工啦, 開始唔捨得個仔添......唔生咗個仔出來都唔領會到, 點解有 d 人會做做吓野, 生咗個 b 出來就唔做, 可能好似我咁有呢個想法, 唔捨得個 b。

佢前日打完針, 我 keep 住 check 佢體溫, 真係好驚佢發燒。肉赤死我架嘛。
現在有 d 擔心自己個甲狀腺問題, 即刻諗.....我唔可以有事架, 我先啱啱生咗個仔出來, 仲有同老公相處既時間好短, 好想用我呢一生既時間同佢一齊過, 而佢又成個細路咁, 我要好好照顧佢架。

唉....開始胡思亂想, 其實我妹妹都同我講咗, 佢有個同事都係咁, 生完仔之後個甲狀腺又係有問題, 食兩年藥控制住。

今日去咗圓玄學院同老公拜太歲, (應該係昨日先啱) 昨日係星期六, 約咗細妹上午 10:00 o係佢o個度等, 我就住返工o個 d 星期六又有可能要返工, 未夠鐘放工; 唔駛返工o個 d 要去都去咗啦....呵呵呵, 去到唔多人, 好快咁完成, 去到千色店都唔駛11:30。

千色店都有幾多 bb 野買, 不過唔夠一田同永安咁多野買。同埋唔係好明, 掛哂 d "sales" 既牌, 但 bb 野無折.....咁平咗去邊呢?

之後去埋葵涌廣場買 bra, 要返工啦, 用緊 o個 d 承托力不足, 著衫唔好睇。

公司 3 月8 日有個 bbq night o係尖咀搞, 問我去唔去, 我諗我都係會回覆唔去啦, 真係想o係最後既假期見多個仔耐 d。

甲狀腺有水囊

今日去咗睇專科醫生, 醫生話我係甲狀腺有事, 照咗 u/s, 抽埋組織去 check, confirm 係水囊 3.x cm x 4.x cm, 中間有舊硬硬地既野, 有成 1.x cm。

成 1600 呀, 唔知公司保險 claim 到幾多呢

我好擔心呀, 希望無事啦

健康院打第二針

今日同個囝去健康院打第二針
係 4 合 1 (白喉+破傷風+無細胞型百日咳+滅活小兒麻痺症) 第一針
同埋肺炎球菌 第一針
今次一打打兩針, 由老公抱住 (最後都係要老公放假)
大少o係老公抱住時喊, 又係打時只皺眉頭, 無喊
我有望架, 不過咁啱個姑娘隻手遮住咗
攞咗 d 退消藥水

今日大少有 5.8 kg 重, 即係 12.76 lbs, 係中上 size
身長都係中上
係個頭仔係中碼 (我明明覺得佢個頭好大)
check 埋佢個髖關節, ok

同埋我問個姑娘, 我覺得自己右邊頸好似腫咗
佢話係喎, 叫我去睇醫生, 可能係甲狀腺既問題
最後我去咗家庭醫生度睇, 佢 refer 我去睇專科
明天會去睇

昨天見個仔係咁咳, 嚇死我
帶咗佢去睇醫生,
醫生話佢個肺好清, 無發燒, 無喉嚨發炎
無事, 不過都開咗 d 藥俾我,
但我無俾佢食呀, 因為第日打針

庚寅年~新春大吉

呢幾日新年唔係咁得閒
初一中午去咗自己屋企, 夜晚要去 6299 度
唔知係咪同一日見太多人, 同埋太多人同佢玩
返到屋企 + 第二日扭到七彩
以我咁恨心都忍唔到要抱佢先得
今日先好 d 咋

一過初一, 我個囝開始識得先扁咀, 後喊
之前係即喊
同埋呢個星期, 唔知係咪對得我多,
我現在同佢換片佢無再係咁扭身同郁手郁腳,
開始係咁望住我
昨晚同佢換完片後, 佢係咁對住我同老公大大咁笑
雖然唔係笑出聲, 但已經勁冧啦

老公有鬼剃頭

昨日老公得閒去剪頭髮, 我先發現佢後尾枕有忽無咗頭髮, 應該係鬼剃頭。我上網睇過話應該係壓力大, 唔夠訓先會咁, 為左阿囝, 老公就咁啦.....好肉赤呀。最衰係今日已經年廿八, 要等到過咗十五先同佢睇醫生。

昨日又叫老公幫我買咗 maggie 出既兩款利是封, 好靚呀!

妳的寶寶 6 周大‏

你的嬰兒會對著你微笑了嗎？如果不，他即將會。 在6 周大時，大約一半的嬰兒能認出他們的父母， 而大多數的嬰兒會高興地歡迎媽媽或者爸爸，並且是興奮地笑咯咯的。這" 微笑"就是嬰兒發展社交能力的第一個跡象。更不用說，這更的寶寶在情感滿足上的一個里程碑。 此外，你的嬰兒也能斜視，噘起他的唇，抬起他的眉毛，並且張大他的眼睛。這些特殊習慣是無意識的 － 當他斜視時，並不是因為他正深入的思考。 你的嬰兒一直在密切觀察你的行為，並且他正試著跟你一樣做出不同的面部表達模式， 透過這項練習，他正步步學習溝通的能力，幫助他在這個世界上與他人相處。

吸奶器可以快速收集你的母乳，讓那些即將恢復上班的媽媽的寶寶可以繼續喝母乳，熟練唧筒將會幫助你排放母乳。就算你在家，你也可以用吸奶器收集母乳然後用奶瓶餵寶寶，亦可交給保母或是爸爸幫忙餵。 使用吸奶器也幫助分泌母乳，讓那些承接漲奶痛苦媽媽輕鬆一點。 有一些媽媽會選擇用輕便型的手動母乳器，原因是比較容易操作和便宜，適合那些只需偶爾儲起少量奶的媽媽。但是，大多數婦女都喜歡使用電動吸奶器，因為易於使用並且比較迅速。電動吸奶器可以在嬰兒用品店購買或者從醫療器材行租借以適合短期使用。如果你正工作，你會想要選擇一個容易攜帶的型號。 母乳應該要儲存在奶瓶中，或是特別用來裝母乳的特殊的袋子裏。不論你把擠出來的母乳放在任何的容器內，都一定要寫上日期，並在冷藏後72小時內用畢。

問題：嬰兒呼吸為什麼如此急促？ 回答：在這年齡，他們的新陳代謝率高，因此需要氧氣快速進入他們的身體和排出二氧化碳。新生兒通常呼吸次數為每分鐘30到60 次，而成年人只有12次。為什麼新陳代謝這麼高？“這是因為他們成長得非常快！”明尼蘇達羅賈斯特梅奧門診部的兒科醫生Jason Homme說，" 嬰兒通常第一年在重量方面會增加到三倍。這是在一個人一生之中發展的最快的時期。"

就嚟過年啦

自從朗仔出咗世之後, 日子真係過得特別快, 今日已經係 2 月 9 日啦! 計吓計吓就嚟新年, 但係我乜都未預備好呀, 只係今日叫咗老公唱利是錢, 乜野新衫呀新年野都未買......可能今年要過一個兩公婆著舊衫, 得朗朗一個有新衫著。

好似就快就過 2 月啦, 唔怪得 d 人話對住個仔 d 時間會過得好快, 原來係真架。我 3 月8 日就返工啦, 到時實掛死我啦。

日日對住個囝, 都覺得佢個樣毎日都有少少唔同, 我成日都忍唔住抽佢水, 係咁錫佢閒佢, 現在我毎次見到老公抱住佢既時候, 我都覺得好冧, 呢 d 就係一家三口好 sweet 既感覺

朗朗成個月大人仔嚕

話咁快就 2 月2 日啦, 人哋話揍仔 d 時間好易過, 原來係真架。

呢輪既節奏係 7點幾起身, 可能係阿仔搞醒, 通常都係同老公一齊餵佢, 我再善後, 好彩佢訓既話我就去泵奶, 佢扭既話我又要搞吓佢。
10~11:00am 第二輪, 通常呢輪食完都唔多想訓 (如果之前o個次佢肯訓, 呢輪我就可以餵人奶)
1~2:00pm 第三輪, 人奶
4~5:00pm 第四輪, 人奶
7~8:00pm 沖完涼再餵人奶
11~1:00am 第六輪.....好多時之前o個次都訓到4個鐘以上, 好想佢呢輪訓多d, 等佢戒到夜奶
3~4:00 am 呢輪通常都係老公做, 因為我可以完全無意識咁昏迷.....poor baby

人哋話阿 b 滿月後會易揍 d, 希望係啦
我好想佢o係我返公前戒到夜奶, 同 train 到佢毎次餵奶既時間, 咁第日 pass 俾婆婆揍到好 d