全職媽媽手記 - day4

今日係我做全職媽媽既
DAY 4, 今日由於約咗 SANDY O係中環 MTR 等 , 所以我校啱時間出去.....餵完朗朗 3:XX 餐奶, 就落去食TEA, 之後搭巴士出太子。

去咗太子行花園街, 諗住買件動物衫俾朗朗, 點知得一檔好 DD, 但都唔平, 買唔落手, 最後空手而回.....

之後再搭 MTR 去中環, 朗朗第一轉係咁郁, 俾佢玩死我呀....見到 SANDY 之後我再去銅鑼灣SOGO, 呢轉佢出奇咁乖, 原來佢玩緊姐姐條鍊呀....

將朗朗放入架購物車度, 佢好開心呢! 一路行一路等爸爸放工。同老公食完晚飯返家嚕.....

今日好好多啦,
無昨天咁攰.....可能過咗呢幾日既 TRAINNING, 我會瘦身成功 HOHOHOHO

全職媽媽手記 - day3

今日係第三日啦, 之前一早同咗阿姐講會帶朗朗返嚟食晏, 阿姐想我返公司食。

朗朗今日成 10 點幾先起身, 我已經晨早叫老公煮定粥, 吼佢未醒時先洗定頭, 搞掂哂野, 佢一醒我就差唔多 READY 哂, 開定YBCR 俾佢睇, 等佢見到我O係佢面前搞 D 肉肉。

餵完佢都差唔多11點, 我睇完昨晚既 "公主嫁到" 先出門口, 去到老公樓下等佢帶朗朗上去 SOCIAL 吓。老公話佢o係上面係咁拍手喎.....我哋一齊上我公司, 個個抱都無野喎, 係katie 抱就喊, hahahahaha

之後我去咗尖沙咀, 先行 h & m, 再去海港城, 約早前 esd life 個網友 agnes, 佢俾 d 奶粉我....真係唔好意思, 我都無得回 d A+ 俾佢。

再去咗 UA JOIN 佢個會, 再去佐敦護協...佢竟然無開.....OMG

朗朗呢個時候已經訓咗, 再行去翠華HIGH TEA, 食完先醒, GOOD BOY!!

我去到永安已經攰到痴咗線......老公嚟永安接我走, 笑我之前仲想去埋太子.....

全職媽媽手記 - day2

今日係第二日, 個豬仔吼爸爸出咗門口, 先要食奶, 簡直係玩野!!!

朗朗掃咗我床頭上邊既 "雙喜" candle, clock, 擺設, 真係俾佢激死。我放番佢o係bb 床, 佢又自己爬起身, 之後仲自己唔夠力坐番o係床, 塊面撞到個床邊, 大喊啦.....我話佢, 係你唔乖, 先整到架喎, 佢好似知d唔知d 咁, 又收聲喎....(相信只係我做媽媽覺得個仔識啫)

無時停, 除咗已經識徒手爬上個梳化頭枕之外, 仲好似人哋玩單槓咁fing 吓 fing 吓對腳, 仲要望住我笑.....我o個吓又想噴泡又想大笑

昨天出咗去, 今日就去鳳德算啦, 所以推咗bb 車, 無咁攰, 仲可以去大家樂high tea, 唔駛怕佢搞到我食唔到, 原來大家樂會幫你攞野架, 可能佢見我推bb 車啦~

番到屋企, 同朗朗沖沖吓涼時老公返, 朗朗見到爸爸個頭佢即刻成日人企o係度要扭爸爸呀, 真係 super fans 呀~

我即刻嗱嗱林出去返瑜伽, 放學時老公接我, 同理玲玲去食飯, 佢又幾跟玲玲喎~仲同後面個黑人打招呼添呀

全職媽媽手記 - day1

由於娘親同爹爹要歐遊 8 日, 我要放假揍朗朗, 係除咗放產假後第一次又長時間揍朗朗啦....

之前婆婆講揍朗朗好似看牛仔咁....開頭都唔信, 現在相信可能由於我細個都係好頑皮既關係, 我覺得點止看牛仔呀, 直頭係看馬騮仔啦

明明早上佢訓咗, 行開一陣啫, 佢可以轉身咁碌咗落地, 心痛死我.....

下午等佢食咗奶, 我就同佢去咗樂富uny 行, uny 細咗, 行到返屋企都好鬼死攰架。朗朗去到邊, 都有好多人讚佢得意, 咁我覺得你哋係 sales, 梗係讚佢架。後來見有個 c9行過都讚佢, 我開始有d洋洋得意.....

今日叫老公去買餸...唔係自己呀, 我係做全職媽媽咋, 唔係全職家庭主婦嘛, cccc

YR BABY CAN READ GATHERING

昨晚同埋 AMC & 老公 / FE / LOLETTA / EMILY/ 小包包 / MM & 軒軒 / CONNIE / KIMMY / CREAM 一齊食飯, 好開心呀, 成班 jm 傾吓傾吓成兩個幾鐘

 

超級開心呀~

朗朗大個囝啦~

朗朗就嚟 9 個月大啦, 時間真係過得超快呀.....

呢輪唔知點解個心有 D 忐忑不安, 感覺到佢大咗好多, 但好似唔係點幫到佢....

佢現在已經可以爬啦, 自己由坐o係梳化而唔駛人幫自己扶野企好, 又識好似掛爐鴨咁吊o係個頭枕...見到我地識叫人 (其實只係大叫), 識得講 babubabu, momomama...., 你同佢玩 gimme five 佢會打開手俾你

係食粥開始玩野囉, 食吓玩吓咁

不過佢又真係好鬼得人鍾意, 尤其係見到識既人就識笑....又鍾意睇我教佢學字, 次次都好開心架, 又鍾意聽我唱歌......呢 d 係我先咁對佢....好似我同佢之間既親密關係.....

仲未識hihi byebye, 但你去掠衫佢會對住你笑, 學我咁攞起d毛巾好似想俾我咁, 我讚佢乖佢好開心咁笑呀

your baby can read

早排訂咗套 "yr baby can read", 其實之前一早想買, 見網友 FE 想買, 就一齊買咗。見有本 "the parent's guide", 打開咗, 全部英文仲要細字....唔係咁想睇....但都要略睇吓....

starter - for 第頭一個月, 毎日睇兩次....我現在毎日陪住佢睇, 佢毎次睇就係咁笑....我呢幾日成日同佢玩 "ARMS UP/ARMS DOWN", 佢毎次俾我一擧佢隻手就好開心聽親歌又好留心咁聽喎

原本有諗過放o係阿媽度, 但諗諗吓都係唔好啦, 我想 d學習時間係留俾我嚟教朗朗

 

我唔期望佢變成一個好勁既人，　只係想將我俾到既野俾佢。

我先係媽媽喎....

前日去接仔, 搞到我喊....

話說早咗放工, 返到娘家, 朗朗啱啱醒, 咁我去餵粥啦,
好啦, 餵完, 要豆佢去 potty
咁朗朗佢坐咗一陣扭計唔肯再坐
我就抱番佢啦

婆婆見到就話等佢抱, 到唔喊先俾番我
咁我話, 我教緊佢, 佢喊, 如果你一抱唔喊
咁佢以後就只會覺得婆婆=開心, 媽媽=喊
婆婆就走番入廚房
跟手公公又話要抱, 唔話唔得呀
佢o係我手中搶走......

o個吓我含住泡眼淚......
最後忍唔住流咗出嚟

**我下次唔會再咁無用, 如果老豆搶我個囝, 我會抱走佢......