朗朗啱啱上小一時無論功課同自理都被班主任形容 “比較BB”
話佢唔夠主動答問題
後嚟, 老師喺手冊話佢有好明顯既進步
而無論評估同中期考試都考得好好
俾老師讚佢, 仲有個品行優異獎
而毎日既功課都幾乎無錯……
過咗個年返下學期……功課好明顯HEA
咗….
老師亦寫明佢明顯 “馬虎咗,
貪快”
毎星期既早操係佢負責帶, 都可以因為遲到而MISS
咗
尋日見到老師寫手冊, 我無名火起
出奇地我好冷靜同佢講返成件事,
佢係好鍾意老師點佢答問題, 同埋佢亦好自豪做小老師帶同學做運動
點解我哋同學校只有5分鐘路程都可以遲到
亦講咗, 如果再喺手冊有呢啲COMMENTS,
一個星期無任何電子產品玩
老公後嚟返到聽返成件事,
佢話遲到佢都要負責….因為佢有份遲 (呢個都係事實)
朗朗聽到即刻話都係爸爸
我話, 如果你覺得因為爸爸,
咁下星期一由我帶完你返學再返屋企都仲得
呢次我真係好鬼嬲….
沒有留言:
張貼留言