4 個半月大的朗朗

朗朗現在 4 個半月大, 生活習慣又唔同咗好多:

- 仍然食 5 餐, 第一餐仍然係3~5安, 中間 3 餐上個星期有時食到8安, 但現在又食番 7 安。臨訓o個餐頭2~3安好順利, 當你想放棄唔餵時佢又食埋, 但要搞好耐先食完 total 4~5安。

- 明明想佢早 d 訓遲 d 起身, 但呢期佢又6 點到醒.....最後o個餐又唔飲得多, 又耐, 明明早咗餵佢都要搞成個鐘, 最後又遲咗訓

 

- 超爛玩, 食飽時鬼打咁精神, 係咁玩跳跳虎

 

- 開始認得人, 公公婆婆見佢最多, 佢一見佢地就會笑。佢好細已經成日望到爸爸就笑, 至於我, 見我跳舞俾佢睇就會一郁手郁腳, 同埋知我唔多抱佢, 所以只係扭佢地抱而唔多扭我抱

 

- 又會訓訓吓喊....明明少咗, 呢輪又多番

 

- 6m 既衫開始緊, 著 9 m 有少少鬆

 

- 識得自已反到打側身, 如果你用少少力按佢個肥脾, 佢會自己用上半身既力打側身到趴o係度, 同埋個頭好高吓