之前有朋友同我講過, 剛放產假係好悶, 毎日都好似o係屋企發毛咁, 但係一生咗就覺得過得超快架啦。我放咗 2 日, 第 3 日去做產檢就俾醫院捉咗入去, 一個人入院, 兩個人出番來, 咁......之後既毎一日都好似光速咁過。
今日已經係阿仔既第 9 日人仔, 真係眨眼都無咁快, 開頭抱佢番屋企仲係豆丁咁細, 到去健康院仲覺得佢細粒咗, 現在毎次餵奶發現佢已經重咗好多, 而佢個頭都大咗好多。開頭生咗佢而佢去咗兒科病房時, 摸佢覺得佢個頭上邊好似尖咗, 而個額頭好似凹咗咁, 可能係我陣痛時夾到佢咁, 現在個頭圓番哂, 而個額都凸番咗出來。
佢現在食密咗啦, 但仲係未能直接食我個乳頭, 不過我會努力, 明天見姑娘, 睇吓佢會俾 d 乜野意見我先。
不過有時佢食完要人 "愛" 吓先肯訓, 有時食奶時又過份狼死, 打大個口仔咁飲, 仲加埋佢對手。可能我陀住佢時阿媽煲咗好多骨湯俾我飲, 佢現在好鬼有力水, 有時一拳按住個杯仔, 驚死飲唔切咁架。
佢扭計時真係好嬲, 昨天老公餵佢, 佢飲緊時噴奶, 之後又唔肯訓, 扭計, 如是者玩咗幾個cycles, 老公o係佢第 n 次噴奶時都忍唔住講咗句: 你個粉腸呀~ 當時我咁啱沖完涼出來, 真係笑死我。佢比我好脾氣都咁, 之後如果得我一個人都唔知點算。
我地現在通當會o係臨訓時餵佢一餐奶, 有時會o係中場要食一次。早上第一餐老公想我夠休息, 會補奶粉。第二餐先開始餵人奶, 呢次通常都泵都成 220ml。希望佢快 d 肯啜啦~
沒有留言:
張貼留言