生活自從有咗老公, 朗朗, 小晞後, 從此由白紙變得色彩繽紛!! 我只求呢三位賴生, 健健康康, 開開心心。 我會將我既正能量, 以內力過哂俾你哋!! 而做媽媽呢, 只希望兩位儍豬仔, 毎日開開心心返學, 而視返學係一件樂事而唔係苦差。 所有課外活動只會係你哋既興趣, 我係唔會貼錢買你哋既難受!!!
呢幾日個囝開始係咁: bu~ bu~ a bu bu 又係咁噴口水, 好搞笑 搞到我要開始俾口水肩佢 又成日欣賞自己隻手仔 跟住立即放入自己個口度 抱住佢食奶時, 如果個奶咀未放入個咀度 佢會自己係咁抬頭 我昨日就係乘勢推佢坐o係度 佢自己 er 氣呀.....不過連奶都嘔出來
朗仔好鍾意我同老公一齊服侍佢, 佢會係咁笑
而我現在毎朝起身同佢講早晨時, 佢會係咁笑同 EE RR 咁回應我, 朗仔, 你真乖, 同我講早晨
沒有留言:
張貼留言