今次同婆婆一齊去
全程由婆婆抱住
度頭時, 姑娘見佢眼定定咁望住佢
問佢: 你係咪食咗龍眼呀, 對眼咁大~
頭圍係 41.5 cm (仍然係中碼頭)
重 7.42kg (即 16.3 lbs, 係中上碼 b)
之後有個 b 都成 8kg,
我媽媽話兩個都係肥 b
再問人, 原來o個個 b 都成 6個月架啦
之後等見姑娘時見有個女仔識行
個身長同朗仔都係差唔多咋
朗仔真係無改錯名, 叫 long.....
姑娘話佢跟番自己條生長線咁大, 好理想
食量ok, 可以繼續 keep 住咁餵
仲話我早晚仲有泵奶俾個仔食, 對得起佢有餘喎
到 6 個月先餵固體食物, 可以由 5 個半月開始試
咁我問出面 d 資訊話由 4個月開始既?
佢話 4 個開始o個 d 係舊資訊
佢地係最前線, 所以要同我地 d 媽媽講
跟住攞個鈴鈴由左至右再由右至左睇吓阿 b 有無望
再睇咗 bb 有無想用手攞
我個 b 都做到呀, 仲想攞想放入口添
個仔又係咁望住個姑娘, 真係氹死人
今日打埋 4 合 1 (白喉+破傷風+無細胞型百日咳+滅活小兒麻痺症) 第二針
同埋肺炎球菌 第二針
都係由婆婆抱住
打第一針時無乜反應, 到第二針時到個姑娘攞支針出來, 大少先喊
我後尾抱番佢, 有個女仔望住佢, 佢先唔喊
又攞咗 d 退消藥水
好開心個仔大得唔錯
**問過姑娘, 點解放個奶咀入口佢唔肯食奶仲係咁喊
佢話 bb 個情緒未回復 / 好熱都會咁
要呵番佢等佢calm down 先再餵
沒有留言:
張貼留言