廣華第六次產檢

今日再次返去廣華做產檢,
已經早咗半個鐘坐定定先入紙,
又坐多陣先度血壓, 點知都係一邊15x, 另一邊 16x....
再坐多半個鐘先度, 一邊13x, 另一邊仲係14x

入到去醫生房, 姑娘俾我聽完心跳,
醫生用尺度下我個肚就叫我落床,
同我講要我入院...
我真係叫咗出來, 我上星期先入咗院,
都無問題, 仲入咗做乜??
咁個姑娘話今次係入日間病房, 唔係過夜,
不過都有機會入.....

上到去過咗 3 個鐘度咗 3 次都無事.......

o係度等既時候識咗兩個媽媽,
一個同我個 b 咁大, 但係得4 lbs,
個醫生叫佢星期二入院要催生。
另一個已經 40w, 但醫生叫佢兩個星期後先入院,
佢咪好嬲囉, 話過咗兩個星期都42w,
有危險架喎.....
唔怪得之前係咁同姑娘嘈啦.....

我已經即刻買咗個血壓計, 下次俾哂 d 數據俾佢睇
個醫生問我做乜唔帶個血壓計俾佢睇......
幾時有人叫過我要帶血壓計睇產檢架??