第二日要同朗朗去家教會既旅行....
我發現自己既隱瞞能力真係 "巧近"!!
可能朗朗大個咗, 佢已經會同我講聽日去旅行...BLABLABLA~
佢亦都好開心~
做媽媽既, 佢快樂= 我快樂~
今次如往時一樣, 有帶埋小晞出席,
毎次朗朗學校搞活動, 我都幾乎會帶埋小晞去,
連冼老師亦有讚過我:P
今日天公做美, 好好天呀,
一行五車, 先到廸欣湖玩, 朗朗問我一陣係咪會去廸士尼,
HOHOHO, 我話唔係, 一陣係去大澳玩呀~
佢有車同船...但我哋都唔多敢玩,
實在唔知點可以揍到小晞....唯有下次再玩,
遠道而嚟....好多人都好似只係玩公園....
之後再坐車去大澳....可能太多彎路,
好幾位小朋友都嘔,
我家兩位小賴生又OK 喎
去到大澳先食野,
同寶懿, 梓羽, 泳霖一齊食飯
唔知我係咪唔舒服, 我都無乜胃口,
而朗朗見同學仔喺度, 食飯都食得快啲
見寶懿識用大人筷子, 好叻女呀!
周圍行時, 蘇泳霖一家話坐船遊大澳,
朗朗又話要一齊,
好啦, 點知去到一半朗朗話覺得太快....好驚,
要求架船慢啲.....
我已安撫佢, 有媽媽喺度, 一定會保護你~
走既時候嗰位領隊姨姨先話坐嗰啲船....保險係唔包....反咩!!唔早講
下一站去埋大佛
老實講,我真係好想上去....
但我真係好攰.....只係喺腳下同朗朗影相
朗朗話佢好開心呀~
PS: 坐車走時, 隔離陳子賢唔知扭乜野計,
因我訓著咗, 唔清楚, 只知冼老師抱走去
之後佢訓咗.....
領隊姨姨讚冼老師真係攞個心出嚟
我自己本人都好鍾意冼老師,
真係睇得出毎一個小朋友都好鍾意佢
仲有, 落車時, 章老師見我抱小晞,
佢幫我抱朗朗落車, 點知個司機按錯車門掣,
夾到章老師, 我好清楚章老師係攬住朗朗....保護佢
呢間幼稚園啲老師個個都用心錫小朋友....
小晞我都會揀返呢間~
沒有留言:
張貼留言