可能佢哋仲細, 我又無話要佢哋只同我一個慶祝
而且, 我自己都仲未能好好報答兩邊阿媽,
我怎能要求兩個仔點同我慶祝
今年, 朗朗幼稚園亦有畫張卡俾我,
我問朗朗, 封面係乜?
佢話, 封面係蛋糕 (吓??) 入面有個朗朗
我話: 咁係咪即係朗朗蛋糕? 佢話係 (HAHAHA!!)
咁我問佢, 下面有兩塊綠色既係乜?
佢話係花既葉, 而呢個係花.....(又唔交代同蛋糕有乜關係)
打開入面, 有五隻色既的士
朗話因為媽媽會坐的士
話我哋附近有呢五隻色,
我話: 香港無五隻色既的士架喎
佢話有......我叫佢下次帶我去見識吓
的士隔離有個人, 之前我同爸爸以為係佢畫我, 因為似著裙 (其實我都好少著裙)
問朗朗, 佢話嗰個係朗朗, 戴住條鍊,
而個三角型係佢條頸 (小朋友睇既野的確唔同大人)
佢同我講母親節快樂, i love u
我已經甜到入心
我實在太愛你啦朗朗~
love u forever~
沒有留言:
張貼留言