爸爸做咗心瓣手術

喺上星期六, 朗朗正在游水期間,
收到葛量洪打嚟, 話爸爸情況轉差, 要轉去 ICU
話聯絡咗瑪麗睇吓幾時可以做手術

查實喺上週日時, 爸爸已經有啲唔舒服,
我話打999, 佢又話唔去
好啦, 星期一出去飲茶時都係入咗 QE
喺 QE STAY 到星期四時轉左佢去葛量洪

講返星期六, 喺朗朗游水呢一粒鐘,
收咗佢話轉佢入 ICU 後, 隔咗大半個鐘
又打嚟, 話confirm 入瑪麗, 但無講駛唔駛做手術
又過咗幾個字, 又打嚟, 話一個鐘內會入, 叫我去到瑪麗幫佢做入院登記
又過一陣打嚟, 係葛量洪樊醫生,
講話爸爸個情況轉差, 心痛氣促,
轉咗去瑪麗....但都係無講有無得做
再一陣, 又打嚟, 叫我快啲去瑪麗, 話外科醫生同我傾
又一陣.....我真係就快 SHORT,.......
話我做乜仲未嚟......我話要等阿媽....
去到差唔多3點, 叫我快啲飛的去
等到娘親嚟, 去到瑪麗, 見到公公, 仲清醒, 認到人
我出去等細佬妹時, 阿媽話公公捉住佢喊.....

跟手齊人時, 外科醫生到,
同我哋講咗, 佢個指數好差,
最worst 可以一做麻醉即死.....嗰吓我個心真係實咗,
感覺有如俾人攞個銅鑼夾我個頭一樣......
之後話可能出血, 要打止血針, 7000 一支...但又講到唔俾都得.....
姑娘問我有無困難....我話都有架....佢話幫我waive 咗....
佢話個手術約做5~10 鐘

之後一直講...我發現娘親係咁郁...
似係坐立不安....我已捉住佢隻手,
但佢後嚟都忍唔住喊.....之後到阿妹....我望一望....連細佬到忍唔住....
我仲ok, 簽哂紙.....出到去真係頂唔順, 唔敢行去老公度,
朗朗走嚟...我攬住佢喊.....
過咗一陣, 見佢就出嚟, 我抱起朗朗,
等經過時俾公公睇到朗朗

之後叫哂佢哋走, 我留守....
到around 2300 細佬妹嚟, 我哋一齊等到點幾, 護士打嚟話做完
見到醫生, 講咗....
佢哋最怕既, 即係可能做完即死既情況無發生,
有出血, 但唔算好多
過咗頭24 小時無事, 再所有野 stable, 先會唔落訓教藥
TOTAL 由5點推入去, 0100 左右出嚟, 做咗6~7 個鐘, 俾我想像中早

星期日,
我哋帶埋婆婆去睇公公,
婆婆話見到佢個心先定少少

今日返工, 個心好唔舒服
成日都好驚....忍唔住入咗廁所喊.....

爸爸...你醒返後我同你去食野, 同埋去玩, 好嘛??