心情好差....

星期一, 阿妹打電郵同我講, 話老豆覺得我唔俾佢去旅行, 因為我生 BB 既關係.....我從未講過唔俾佢地去, 一路都係擔心佢既健康, 喂, 之前佢試過因為無食都血壓藥, D 血上唔都個腦, 因而食食吓飯突然間休克, 噴飯, 語無倫次, 暈倒....當時我真係呆咗, 如果唔係老公在場, 即刻打999, 我都唔知點好, 當時得我同媽咪, 老公四個人, 細佬妹都唔在場, 佢地點會明白我既心態, 現在諗起都仲想喊, 又或者見到老豆合埋眼既樣都會諗起呢件事

昨天, 阿媽打俾我, 同我講, 細佬星期一同佢講, 叫佢不如EXTEND 個TRIP 一年, 講番之前我既諗法俾佢地知, 咁媽咪話佢同阿爸講, 問佢點解呢期成日唔同個大女講野 (你估我 FEEL 唔到咩) 話係咪嬲個女, 佢唔答, 之後再講其實個女都係關心佢既健康.....佢話老豆歡容番喎.....

我同媽咪講, 如果老豆真係唔想見到我, 最多咪上少 D 屋企吔飯囉, 呢 D 唔開心既野我又唔想同老公講, 始終唔想佢見到我因為咁唔開心, 再者, 唔想令佢對我屋企人有誤會.......無用既我, 竟然o係公司喊咗出來, 俾哂 d 同事知添.....