一路都只係識o係 blog 度叫人陀 bb 要開心 d, 唔好喊, 點知尋晚為咗 d 小事喊.....
當我o係度睇緊上次參加講座送既媽咪雜誌, 入面有個測驗係睇吓老公會係一個乜野既爸爸, 咁我攞入去問佢問題, 佢側一側塊面用冷冷既語調同我講: 一陣先問得唔得呀佢個眼神仲要係好似 bear 住我咁架, 我行番出廳咪唔開心囉
過一陣, 佢出嚟, 問番我要做乜野 test, 我真係忍唔住喊.....唔知點解, 我心好似好委屈咁, 佢都氹咗我一陣我先好 d....
呢 d 小事就算平時我係唔會喊架, 最多發吓老公老脾, 點知呢均我喊咗出來.....
ps, 今日有個舊同事打來約食飯, 點知原來係佢轉咗做保險.....想唔去添
孕婦o的情緒就係咁起伏,我都試過有一次老公顧住同朋友講電話,冇同我同小B一齊祈禱,我都忍唔住留o左兩滴眼淚出o黎,諗返都覺得自己傻呀!
回覆刪除我 d 同事話覺得o係工作上我勞氣咗好多......
回覆刪除希望阿 b 唔會似我咁 "炆熷"