開始有番 D 秋涼既感覺

呢幾日返工, 落街既時候覺得有 D 涼風吹來,

有 D 秋風既感覺, 好正呀,

體溫本身已經比較高, 始終大住個肚, 仲要比我本身再高 D,

咁孤寒既我都忍唔住晚晚一返到屋企開冷氣,

成日成身汗, 好辛苦...

 

今日上巴士, 唔多人但亦無位坐,

成巴士 d 人都係眼望望, 唔唸吓讓位俾我,

咁我傍o係樓梯住頂一頂,

點知大塞車, 架車都未到鑽石山我條腰已經好攰, 忍唔住o係度自己按,

原本睇望望既o靚仔讓位俾我, thanks~

到鑽石山個站, 又條友仔 (係中年男人) 落車.....呢個人之前都係睇望望既一員,

自己都落車啦, 都唔讓住俾我 ><

 

媽媽話佢陀我o個陣係無人會讓位架, 佢話可能你呢代會好 d,

但我發現都唔係囉, 我同老公都會讓位俾人,

佢讓位既速度往往比我更快,

點解到我要位坐既時候就無???

我唔會俾我孩兒變成呢 d 人既