私家第五次產檢 + 廣華第三次產檢 + 一田 BB SALES

今日撞正私家同廣華同一日產檢, 一心諗住我毎次睇親黃醫生都係第一個, 無理由趕唔切去廣華, 點知撞啱醫生臨時要接生, 所以先遲到, 我到廣華o個陣成 12:00, 足足遲足成個鐘, 幾驚佢唔俾我睇埋呀

磅咗重, 成 167 呀, 比第一次產檢足足重咗 19 磅, oh no 但係醫生話我個人高, 都可以, 但係我諗我都係食少 dd 野好啦

但係血壓成 14x, 醫生叫我食少 d 醎野, 同埋要休息多 d同可能要提早放產假, 睇吓到時點啦~

醫生仲話叫我問吓政府o個邊會唔會抽陰液做 b 型唔知乜野病毒測試, 話因為 bb 由陰道出, 有機會感染, 所以要 check, 如果政府有得 check 就唔駛私家 check 喎

趕到去廣華, 已經 12 點, 好彩姑娘黑口黑面都俾我睇埋, 見到醫生, 都好似無乜講 d 乜, 除咗之前聽到 bb 心跳, 醫生只係度吓肚圍, 咁我問佢會唔會做o個個乜乜測試, 佢話有需要先要抽, 但又無講我駛唔駛.....之後醫生話要抽血 check, 可憐我 9:30 食完早餐, 到 12:00 已經開始肚餓.....抽完支血有 dd 見暈......

食完 lunch 搭火車去一田, 去到無想像中咁平同咁多野買, d 衫有 d 都唔平, 不過我點都要買 d 野架啦, 現在都 7 個月, 再遲 d 個肚再大都唔知點去行

最後買咗一個消毒奶器, 奶瓶掃, 兩件衫仔, 同訂咗張床