血拼媽媽殺入花園街

血拼媽媽再次出擊, 去咗花園街


如果唔係連休 3 日, 我今日都唔出, 預咗實多人


但由於和尚袍都好似唔夠咁, 諗住花園點都平 d





最後都係買咗 3 件和尚袍打底, 4 件 carter 口水肩同 4 件 carter 夾衣


不過口水肩同夾衣唔係同一檔度買, 買完番黎先發現可以配成一 set.....


夾衣我只買咗一件初生, 其他都係買 3m, 始終我個 b 係仔, 大得太快, 我 d 同事都叫我唔好買咁多初生, 因男 b 大得好快





仲差未買尿墊, 手/腳套仔, 不過我見花園都有得買


溫度計....我想買探頭o個 d, 我個同事叫我唔好買探耳, 我之前去一田攞咗張 catelog 有隻紅外線溫度計可以check bb temp, 又可以check 吓 d 奶幾多度, 好似好正咁, 不過唔知幾錢


就咁買兩袋仔野已經駛咗 2百幾蚊, 自從公司搬咗, 買少咗自己衫, 駛少咗錢, 現在用哂來買孩兒野, 幾何級咁上......仔阿仔, 爹爹同媽媽咁錫你, 你要乖乖地呀, 順順利利咁出世呀