廣華產前講座 - 第二堂 - 母乳餵哺的認識 + 永安大減價

今日係上廣華既第二堂產前講座 - 母乳餵哺的認識
老公話同之前講既大同小異, 叫我唔好再上咁多 (之前上咗愛嬰協會既講座), 但我想上哂廣華既講座嘛

我會俾自己幾個 CHECK POINT 位, (1) 係放完產假, (2) 係半年, (3) 係一年, 我希望能俾我既孩兒一個健康既開始

上完講座去食 BURGER KING, 原來想去護協先, 但行到 BURGER KING 都行咗一部分, 最後決定行去, 到永安附近, 見到好多人都攞住永安 D 戰利品, 所以都唔去護協直接去永安

永安超多人, 直踩入 4 樓嬰兒部, 買咗 D 奶瓶 / BB 沖涼 / 紗巾幾 PACKS / 衫仔 / 厚包被 / BB床上用品 / 乳墊

買咗好多野, 但都好似仲欠好多, 下個星期要去廣華第三個產前講座, 我會過護協或者花園街再買多 D 衫仔