我只係買咗幾大盒熊仔餅俾佢哋
今年, 上次十/十一月生日會時,
我聽到啲小朋友有討論食咗邊個媽媽買既蛋糕
我先諗...吓, 原來啲小朋友係會咁討論架,
所以今次原先諗住只整曲奇,
最後整埋蛋糕~
超濃朱古力蛋糕 + 植物油唧花曲奇 + 朱古力酥餅
超濃朱古力蛋糕
已經一放工即仆去買齊料, 原先想早一日整
先發現無cream, 即買兩盒細
嗰架 15A, 我搭6:40 嗰班, 巴士6:50 先到apm
我返到屋企7:30.......settle 完再整好個cake around 8:30,
焗好around 9:15, 我都算快掛~第一次整架咋~
由於牛油用金罐, 佢本身係 creamy, 唔駛等佢回軟
 |
| **買咗金罐牛油嚟試, 睇吓係咪真係咁香** |
 |
| **山長水遠去買既糖霜, 我見PAPA PUFF 都係用佢咋** |
整定張模邊/底紙
朱古力我用牛奶朱古力, 因為怕班細路唔慣黑朱古力
加埋牛油隔水坐融
蛋黃+糖用打蛋器打至變淺黃同變杰,
我妄想試吓用手打.....打到酸.....頂唔寺.....用返部機
再將融咗既朱古力醬同cream 加入搞均
再將篩好既粉分兩次加入, 用膠刮用切拌既方法混合成無粉粒既麵糊
(食譜話要快, 唔好產生筋性影響口感)
另一方面, 蛋白打至有泡, 加入檸檬汁同糖 (我好似未打已加入檸檬汁)
糖要分兩次加入, 打成尖峰
舀1/3 蛋白霜加入蛋黃麵糊中, 搞均 (我係輕手搞)
再將全部麵糊加入蛋白霜中混合
全部從高處例入6" 模中 (我無從高處喎 =.=")
用刮刀將表面抺平
入爐前要敲吓, 整走啲氣泡, 先入爐
朗朗返到屋企見到, 話要同佢合照喎
接咗朗朗返歸, 我再整曲奇,
一個係植物油曲奇, 朗朗話要幫手,
我今次俾佢整幾粒
做法如上次一樣, 都係好順利, 好靚
植物油唧花曲奇
**整得幾好呀**
**chok 哥....**
**唔會明啲小朋友諗乜, 點解無眼睇既?**
之後朗朗訓咗, 我繼續整朱古力酥餅
都係之前整過
朱古力酥餅
不過今次我先坐融啲朱古力,
可能之後我去咗陪朗朗訓,
之後再出嚟, 啲朱古力好結....我又夠膽死咁都入唧袋.....
已經係厚袋, 但唧唔出......
我試吓倒返出嚟, 用熱水坐溶
之後先順返.....
**硬到咁, 我都夠膽死入袋......**
都算成功, 最後入包裝袋,
完成後....原來已經3:15.......
事後收到冼老師話好味....我已經好開心啦~
超濃朱古力蛋糕 食譜:
麵糊:
朱古力磚 120g
低粉 40g
蛋黃 x3
糖 20g
牛油60g
cream 50g
可可粉30g
蛋白霜:
蛋白x3
檸檬汁1/2茶匙
糖40g
- 低粉+可可粉過篩
- 烤模抺上牛油, 鋪上紙
- 朱古力磚+牛油放入盆, 用50度水隔水坐融
- 蛋黃+糖用打蛋器用高速打至略白變稠
- 將朱古力醬加入, 搞均
- 將粉分兩次加入朱古力醬, 以切拌式混合成無粉粒麵糊
- 蛋白用打蛋機打出泡, 加入檸檬汁及糖(分兩次), 打成尾端有尖峰
- 舀1/3 蛋白霜入蛋黃糊中, 搞均
- 再將全部糊加入蛋白霜中搞均
- 將搞好既糊從較高例入6"模中
- 用刮刀抺平
- 入爐前, 喺枱面敲幾下整走啲氣泡
- 放入預熱 170 度, 烘烤15 分鐘, 再調至160度焗25分鐘
- 完成後, 用竹籤插入, 如有沾黏, 再焗約2~3分鐘 (我今次要焗多5分鐘)
- 取出放涼
- 撕走紙
- 食前灑上糖粉
沒有留言:
張貼留言