老公去佐敦買野,
佢話啲fd 講 RAMEN CHAMPION 有新鋪
去到, 見到有兩間, 其中一間喺 どてちん Dotechin
超男 Bario
老公仍然情歸呢間
個麵依然好彈牙, 我上次去食, 係偏硬身,
唔知係咪有人俾意見佢, 現在無咁硬
我好鍾意佢啲芽菜,
我偷咗老公啲嚟吔
個湯好正, 加埋啲辣粉, 一流!!!
小天使食評
どてちん Dotechin
我見佢個叉燒好似幾正, 今次就試咗特濃豬骨拉麵+章魚燒
我坐正間鋪對面,
等咗好耐.......睇吓張飛, 成20分鐘都唔到我.....
終於問....嗰吓先出咋
老公嗰碗已經食完好耐啦
小天使食評
個章魚燒個心係冰架
老公嗰舊就室溫....
第三粒先叫做暖, 第四粒先熱....
發生乜事??
面ok
叉燒ok
蛋唔算係溏心, 溏心應該個心係溶溶地
而佢係個黃外圍係全熟, 個心無咁熟.....
最恐怖係啲湯, 個味係ok 架,
但係......佢好杰....好似啲bb 糊仔咁滯
我食拉麵係慣咗將啲麵放入湯, 再舀入口架嘛
我未試過食完飽到想嘔
我下次一定唔會再食佢
沒有留言:
張貼留言